ແມ່ຍິງລາວ – ອາເມຣິກັນ ເຜົ່າອິວມຽນ ຄົນທໍາອິດຄື ທ່ານນາງ ແຄັດຕີ້ ຈາວ ຣັອດທ໌ເບີກ (Kathy Chao Rothberg)
ໄດ້ຮັບແຕ່ງຕັ້ງຈາກສະພາເມືອງ ໃຫ້ເປັນເຈົ້າເມືອງ ເມືອງແຊນ ປາບໂລ ລັດກາລີຟໍເນຍ ເມື່ອວັນທີ່ 1 ທັນວາ 2014
ເຊິ່ງນັບວ່າເປັນຄວາມສໍາເລັດ ແລະ ສ້າງຊື່ສຽງໃຫ້ແກ່ຊາວລາວ ທີ່ອາໄສຢູ່ໃນສະຫະລັດອາເມຣິກາ.
ທ່ານນາງ ແຄັດຕີ້ ຈາວ ຣັອດທ໌ເບີກ ອາຍຸ 43 ປີ ເກີດຢູ່ປະເທດລາວ ໂດຍໄດ້ອົບພະຍົບກັບຄອບຄົວມາຢູ່ສະຫະລັດ
ອາເມຣິກາ ຕອນອາຍຸໄດ້ 7 ປີ ເມື່ອປີ 1978 ແລະ ໄດ້ຮັບສັນຊາດອາເມຣິກັນ ເມືອປີ 1985. ຈົບການສຶກສາປລິນຍາ
ຕີ ຈາກມະຫາວິທຍາໄລກາລີຟໍເນຍເບີກເຄີລີ ແລະ ຈົບປະລິນຍາໂທ ຈາກມະຫາວິທະຍາໄລ Golden Gate University.
ທ່ານນາງ ແຄັດຕີ້ ຈະຮັບໜ້າທີ່ເປັນເຈົ້າເມືອງ ໃນເວລາ 1 ປີ ນັບແຕ່ມື້ເຂົ້າຮັບຕຳແໜ່ງ ໄປຈົນຮອດເດືອນທັນວາປີ
ໜ້າ ໂດຍກ່ອນໜ້ານີ້ໃນເດືອນເມສາ 2012 ທ່ານນາງ ແຄັດຕີ້ ກໍໄດ້ຖືກເລືອກຕັ້ງໃຫ້ເປັນສະມາຊິກສະພາເມືອງດັ່ງ
ກ່າວມາກ່ອນອີກດ້ວຍ.
ແຫລ່ງຂ່າວ: ວິທະຍຸເອເຊຍເສລີ