Homeຂ່າວພາຍ​ໃນບຸນອອກພັນສາປະຈໍາປີ 2023 ບໍ່ຄຶກຄື້ນກວ່າທີ່ຜ່ານມາ

ບຸນອອກພັນສາປະຈໍາປີ 2023 ບໍ່ຄຶກຄື້ນກວ່າທີ່ຜ່ານມາ

Published on

ບຸນອອກພັນສາ ປະວໍລະນາ ແລະ ຊ່ວງເຮືອປະເພນີ ທ່າວັດຈັນ ປະຈໍາປີ 2023 ບໍ່ຄຶກຄື້ນກວ່າທີ່ຜ່ານມາ ໂດຍພາຍໃນງານບໍ່ມີສຽງການໂຄສະນາຂອງສິນຄ້າ ຫຼື ສຽງດົນດີ ເນື່ອງຈາກເມື່ອບໍ່ດົນທີ່ຜ່ານມາ ທາງຮ້ານທີ່ຢູ່ໃນງານບຸນໄດ້ຖືກຂຽນບົດບັນທຶກ ວ່າດ້ວຍຜິດລະບຽບໃນການຈັດງານ.

ເຊິ່ງໃນບົດບັນທຶກນັ້ນໄດ້ລະບຸວ່າ ຫ້າມນຳໃຊ້ເຄື່ອງສຽງໂຄສະນາພາຍໃນງານບຸນໂດຍເດັດຂາດ, ຫ້າມແຈກຢາຍແຜ່ນພັບ ຫຼື ແຜ່ນເຈ້ຍໂຄສະນາສິນຄ້າຢູ່ພາຍໃນງານບຸນ, ຫ້າມມີການໂຄສະນາສິນຄ້າ ໂດຍການເຕັ້ນໂຊນາງສາວ ໂດຍເດັດຂາດ.

ຈາກຂໍ້ຫ້າມນີ້ ເຮັດໃຫ້ຜູ້ຄ້າຂາຍໃນງານບຸນຕ່າງບໍ່ພໍໃຈ ພ້ອມທັງມີຫາງສຽງປະຊາຊົນຈຳນວນບໍ່ໜ້ອຍຕໍ່ຜູ້ຈັດງານທີ່ຫ້າມເລື່ອງດັ່ງກ່າວ.

ທັ້ງນີ້ ມີຜູ້ຄ້າຂາຍຈຳນວນໜຶ່ງກໍໄດ້ອອກມາສະແດງຄວາມຄິດເຫັນຜ່ານວິດີໂອ ຮູບພາບ ແລະ ຂໍ້ຄວາມວ່າ ໃນການສັ່ງຫ້າມເລື່ອງແຈກຢາຍແຜ່ນເຈ້ຍໂຄສະນາ ແລະ ການເຕັນໂຊນາງສາວ ນັ້ນກໍພໍເຂົ້າໃຈທີ່ຈະຫ້າມ ແຕ່ການຫ້າມບໍ່ໃຫ້ນຳໃຊ້ເຄື່ອງສຽງໂຄສະນາພາຍໃນງານບຸນນັ້ນ ມັນເກືອບຈະເປັນໄປບໍ່ໄດ້ເລີຍ ເພາະງານບຸນປີໜຶ່ງມີພຽງຄັ້ງດຽງ ຜູ້ຄ້າຂາຍຕ່າງກໍລົງທຶນຫຼາຍ ແລະ ຕ້ອງການທີ່ຈະໂຄສະນາສິນຄ້າຂອງຕົນໃຫ້ແກ່ຜູ້ທີ່ມາທ່ຽວງານບຸນ.

ນອກນີ້ ກໍຍັງມີບາງຜູ້ຄ້າຂາຍທີ່ປະກາດຂາຍສະຖານທີ່ເຊົ່າຂອງຕົນໂດຍລະບຸວ່າ “ຂາຍຕໍ່ລາຄາຖືກ” ເພື່ອສະແດງເຖິງຄວາມບໍ່ພໍໃຈຂອງຕົນໃຫ້ແກ່ຜູ້ຈັດງານໄດ້ເຫັນ ຜູ້ຄ້າຂາຍຍັງໄດ້ລະບຸຕື່ມອີກວ່າ ກ່ອນໜ້າທີ່ຈະເຊົ່າສະຖານທີ່ ທາງຜູ້ຈັດສັນງານບໍ່ມີການແຈ້ງລ່ວງໜ້າ ກ່ຽວກັບມາຕະການຂໍ້ຫ້າມດັ່ງກ່າວ ແລະ ຖ້າຮູ້ວ່າເປັນແບບນີ້ ກໍຈະບໍ່ມີການເຊົ່າເກີດຂຶ້ນແນ່ນອນ.

ຢ່າງໃດກໍຕາມ ຍັງບໍ່ມີແຈ້ງການເພີ່ມເຕີມຈາກທາງຄະນະຜູ້ຈັດງານບຸນ ແລະ ຫວັງວ່າທາງຄະນະ ຈະຈັດການຍົກເລີກມາດຕະການດັ່ງກ່າວ ເພື່ອໃຫ້ງານບຸນກັບມາຄຶກຄື້ນຄືທຸກໆປີທີ່ຜ່ານມາ.

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...