ປະຈຳເດືອນຂອງທ່ານຜູ້ຍິງຫລາຍຄົນອາດມາກົງເວລາຕະຫລອດ ບໍ່ມີຫຍັງໜ້າເປັນຫ່ວງ ແຕ່ຖ້າຢູ່ໆ ເດືອນໃດປະຈຳເດືອນເກີດມາໄວກວ່າເກົ່າທັງທີ່ຍັງບໍ່ຄົບຮອບເລີຍ ກໍອາດເຮັດໃຫ້ຫລາຍຄົນຈິດຕົກໄດ້ ເລື່ອງແບບນີ້ເຮົາມີວິທີແນະນຳສາວໆ
“ປົກກະຕິເປັນຄົນປະຈຳເດືອນມາກົງເວລາຕະຫລອດ ແຕ່ເດືອນນີ້ມາໄວກວ່າເກົ່າເກືອບສອງອາທິດ ແຕ່ກໍບໍ່ປວດທ້ອງ”ຊຶ່ງກໍລະນີແບບນີ້ກໍອາດເຮັດໃຫ້ຜູ້ຍິງທັງຫລາຍຮູ້ສຶກກັງວົນໄດ້
ເລື່ອງນີ້ມີຄຳຕອບວ່າ ໂດຍປົກກະຕິປະຈຳເດືອນຂອງຜູ້ຍິງຈະຖືກຄວບຄຸມໃຫ້ມາເປັນຮອບສະມ່ຳສະເໝີໂດຍການເຮັດວຽກຂອງ ຮອລ໌ໂມນຈາກຮວຍໄຂ່ ແລະ ຕ່ອມກ້ອງສະຫມອງ ດັ່ງນັ້ນ ຮອບປະຈຳເດືອນຂອງແຕ່ລະຄົນອາດບໍ່ເທົ່າກັນ ໂດຍສະເລ່ຍຄື 28 ມື້ ແຕ່ອາດກ່ອນຫລັງໄດ້ເລັກນ້ອຍ ຖ້າຄວາມຫ່າງຂອງຮອບປະຈຳເດືອນຍັງຢູ່ໃນຊ່ວງ 21-35 ມື້ ຖືວ່າປົກກະຕິ
ແຕ່ຖ້າການມີປະຈຳເດືອນໄວ 2 ອາທິດນັ້ນເຮັດໃຫ້ຮອບຫ່າງນ້ອຍກວ່າ 21 ມື້ ແນະນຳໃຫ້ໄປພົບແພດໝໍເພື່ອກວດເພີ່ມເຕິມ ວ່າມີພະຍາດອື່ນທີ່ເຮັດໃຫ້ມີເລືອດອອກຈາກຊ່ອງຄອດໄດ້ຫລືບໍ່ ເພາະເລືອດທີ່ອອກອາດບໍ່ແມ່ນປະຈຳເດືອນປົກກະຕິ ແຕ່ເປັນເລືອດອອກຈາກພາວະອື່ນໆ ເຊັ່ນ ກ້ອນເບົ້າທີ່ປາກມົດລູກໃນໂພງມົດລູກ ເຍື່ອໂພງມົດລູກໜາຕົວປົກກະຕິ ເປັນຕົ້ນ ຫລືເກີດຈາກພາວະອື່ນທີ່ມີຜົນກະທົບຕໍ່ສົມດຸນຂອງລະບົບຮອລ໌ໂມນໃນຮ່າງກາຍ