ໜ່ວຍງານຕ້ານ ແລະ ສະ ກັດກັ້ນສີນຄ້າລັກລອບໜີພາສີ ກະຊວງການເງິນ, ໄດ້ທຳລາຍ ສີນຄ້າລັກລອບໜີພາສີ

ຈຳນວນ ຫລາຍລາຍການຄື: ຈັກສະຕິນ 178 ເຄື່ອງ, ອາໄຫລ່ຈັກຕັດໄມ້ 28 ແກັດ, ໂສ້ຈັກຕັດໄມ້ 400 ເສັ້ນ, ໃບເລື່ອຍ

144 ໃບ, ຕູ້ເກມ 5 ໜ່ວຍ, ປື້ມວາລະສານ 98 ແກັດ, ຢາປົວພະຍາດ 70 ແກັດ, ໂທລະພາບ 5 ໜ່ວຍ, ເຄື່ອງສາກ

ໝໍ້ໄຟ 17 ໜ່ວຍ, ອຸປະກອນໄຟ ຟ້າ 31 ລາຍ ການ ແລະ ອື່ນໆ ລວມ ມູນຄ່າປະມານ 233 ລ້ານກວ່າ ກີບ, ໂດຍສິນຄ້າ

ດັ່ງກ່າວ ແມ່ນເຈົ້າໜ້າທີ່ພາສີຍຶດໄດ້ແຕ່ປີ 2008 – 2013 ແລະ ບໍ່ມີເຈົ້າຂອງມາ ພົວພັນເອົາຈຶ່ງໄດ້ນຳມາທຳລາຍຖິິ້ມ.

ທ່ານ ທອງພັດ ລາດຊະວົງ ຮອງພະແນກຕ້ານ ແລະ ສະກັດ ກັ້ນສິນຄ້າໜີພາສີ ກ່າວວ່າ: ໃນ ໄລຍະຜ່ານມາ, ເຈົ້າໜ້າ

ທີ່ ພາສີ ກໍໄດ້ເຄື່ອນໄຫວຢ່າງຕັ້ງໜ້າໃນ ການຈັດຕັ້ງປະຕິບັດໜ້າທີ່ກໍຄື ການປະຕິບັດກົດໝາຍວ່າດ້ວຍ ພາສີຢ່າງ

ເຂັ້ມງວດແນ ໃສ່ໃຫ້ຜູ້ ປະກອບການດຳເນີນທຸລະກິດ ນຳເຂົ້າສິນຄ້າຖືກຕ້ອງຕາມລະບຽບກົດໝາຍພ້ອມທັງຈຳກັດ

ຜູ້ລະເມີດແລະຮັບປະກັນໃຫ້ສັງຄົມ ມີຄວາມຍຸຕິທຳ, ແຕ່ປາກົດວ່າສະພາບການລັກລອບໜີພາສີ ຂອງຜູ້ນຳເຂົ້າສີນ

ຄ້າຍັງເກີດມີ ໃຫ້ເຫັນແຜ່ ຫລາຍຢູ່ ແລະ ມີຫລາຍ ຮູບແບບຄືລັກລອບຂົນສົ່ງມານຳລົດໂດຍສານ, ຫຸ້ມຫໍ່ປະປົນມາ

ນຳສິນຄ້າເຄື່ອນຍ້າຍອື່ນໆ. ໂດຍສີນຄ້າທີ່ລັກລອບໜີພາສີສ່ວນ ຫລາຍແມ່ນປະເພດ ເກືອດຫ້າມ, ລະເມີດຊັບສີນ

ທາງປັນຍາ ແລະ ລັດຈຳກັດ ອື່ນໆ, ເຊິ່ງຖືວ່າເປັນອາດຊະຍາ ກຳທາງເສດຖະ ກິດທີ່ຈະຕ້ອງໄດ້ມີມາດຕະການແກ້ໄຂ

ຢ່າງເຂັ້ມງວດ.

ພິທີທຳລາຍສີນຄ້າດັ່ງກ່າວ ມີຂຶ້ນໃນວັນທີ 28 ພະຈິກຜ່ານ ມາ, ຢູ່ສະໜາມຂີ້ເຫຍື້ອຫລັກ 32 ເມືອງໄຊທານີ ນະຄອນ

ຫລວງວຽງຈັນ.

ແຫລ່ງຂ່າວ: ລາວພັດທະນາ