ແອນໂທນີ ບຣິງເຄນ ລັດຖະມົນຕີກະຊວງການຕ່າງປະເທດສະຫະລັດອາເມຣິກາ ໄດ້ຖະແຫຼງການໃນວັນອັງຄານທີ 17 ຕຸລາ 2023 ຈາກນະຄອນເທອາວິຟຂອງອິດສະລາເອວ ທີ່ຜ່ານມາວ່າ ໂຈ ໄບເດນ ປະທານາທິບໍດີຂອງສະຫະລັດອາເມຣິກາ ມີກຳນົດຢ້ຽມຢາມອິດສະລາເອວໃນວັນພຸດທີ 18 ຕຸລາ 2023 ເພື່ອສະແດງຄວາມເປັນໜຶ່ງນ້ຳໃຈດຽວກັນ ແລະ ຄວາມຮັບຜິດຊອບຕໍ່ຄວາມໝັ້ນຄົງຂອງອິດສະລາເອວ.
ກ່ອນໜ້ານີ້ ລັດຖະບານວໍຊິງຕັນ ສົ່ງສອງກອງທັບເຮືອບັນທຸກເຮືອບິນໄປຫາເມດິແຕລານຽນ ເພື່ອປົກປ້ອງອິດສະລາເອວ.
ນອກຈາກການສະໜັບສະໜູນແລ້ວ ການຢ້ຽມຢາມຂອງໄບເດນຍັງເປັນຄວາມພະຍາຍາມບັນຊາການ ການຕອບໂຕ້ຂອງກອງທັບອິດສະລາເອວ ຂະນະທີ່ສຽງວິພາກວິຈານທີ່ວ່າສົງຄາມສົ່ງຜົນກະທົບມະຫາສານຕໍ່ປະຊາຊົນປາເລສໄຕ.
ທັ້ງນີ້ ອິດສະລາເອວຮຽກຮ້ອງໃຫ້ຜູ້ທີ່ຢູ່ອາໄສຢູ່ກາຊາ ອົບພະຍົບລົງມາພາກໃຕ້ເພື່ອເປີດພື້ນທີ່ກຽມການສູ້ຮົບທາງບົກໃນເຂດຕົວເມືອງ.
ແຫຼ່ງຂ່າວ AP