spot_img
Homeຂ່າວການຊ່ວຍເຫຼືອລັດຖະບານຍີ່ປຸ່ນ ຈະສືບຕໍ່ໃຫ້ການຊ່ວຍເຫລືອ ສປປ ລາວ

ລັດຖະບານຍີ່ປຸ່ນ ຈະສືບຕໍ່ໃຫ້ການຊ່ວຍເຫລືອ ສປປ ລາວ

Published on

ລັດຖະບານຍີ່ປຸ່ນ ຢືນຢັນຈະໃຫ້ການສະໜັບສະໜັບ ແລະ ຊ່ວຍເຫລືອ ສປປ ລາວ ຢ່າງໜັກແໜ້ນ ເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ແລະ ຫລຸດຜ່ອນຄວາມທຸກຍາກ ຂະນະທີ່ການພົວພັນຮ່ວມມືລະຫວ່າງ ລາວ-ຍີ່ປຸ່ນ ພາຍໃຕ້ຂອບການຮ່ວມມືທີ່ເປັນໂຄງການ ໃໝ່ທີ່ພວມສຶກສາ ແລະ ຄົ້ນຄວ້າ ຄາດວ່າ ຍີ່ປຸ່ນ ຈະຊ່ວຍເຫລືອດ້ານການຮັບມືກັບສະພາບການປ່ຽນແປງດິນຟ້າອາກາດ, ລະດົມການລົງທຶນຈາກຍີ່ປຸ່ນມາລາວ, ພິເສດຈະສະໜັບສະໜູນ ສປປ ລາວໃນໂອກາດເຈົ້າພາບກອງປະຊຸມສຸດຍອດອາຊຽນ ແລະ ເປີດປີທ່ອງທ່ຽວ 2024.

ສະຖານທູດຍີ່ປຸ່ນ ປະຈໍາ ສປປ ລາວ ໄດ້ຈັດງານພົບປະລະຫວ່າງສື່ມວນຊົນລາວ-ກະຊວງການຕ່າງປະເທດຍີ່ປຸ່ນ ໃນວັນທີ 11 ຕຸລາ 2023 ທີ່ນະຄອນຫລວງວຽງຈັນ ໂດຍມີ ທ່ານ ນາງ ມາກິ ໂຄບາຢາຊິ ໂຄສົກກະຊວງການຕ່າງປະເທດ, ຄະນະບັນນາທິການຈາກສໍານັກຂ່າວສານປະເທດລາວ, ໜັງສືພິມປະຊາຊົນ, ໜັງພິມວຽງຈັນທາມ, ໜັງສືພິມເສດຖະກິດ-ສັງຄົມ, ໜັງສືພິມວຽງຈັນໃໝ່ ເຊິ່ງການພົບປະຄັ້ງນີ້ ເພື່ອແລກປ່ຽນຄວາມຄິດຄວາມເຫັນ ແລະ ຮັດແໜ້ນສາຍພົວພັນການຮ່ວມມື ລວມທັງຊອກຫາຊ່ອງທາງ ການຮ່ວມມືໃໝ່ໆໃນຕໍ່ໜ້າ ຢ່າງມີຜົນສຳເລັດ.

ທ່ານ ນາງ ມາກິ ໂຄບາຢາຊິ ໂຄສົກກະຊວງການຕ່າງປະເທດ ໄດ້ໃຫ້ຮູ້ວ່າ: ຕົນເອງໄດ້ຕິດຕາມຄະນະຜູ້ແທນຍີ່ປຸ່ນ, ນໍາໂດຍ ທ່ານ ນາງ ຄາມິກາວະ ໂຢໂກະ (Ms. KAMIKAWA Yoko) ລັດຖະມົນຕີກະຊວງການຕ່າງປະເທດ ແຫ່ງ ຍີ່ປຸ່ນ ໃນໂອກາດເດີນທາງມາຢ້ຽມຢາມ ສປປ ລາວ ຢ່າງເປັນທາງການ ໃນວັນທີ 11-12 ຕຸລາ 2023 ແລະ ຖືໂອກາດສໍາຄັນພົບປະສື່ມວນຊົນລາວ ເພື່ອສືບຕໍ່ຮັດແໜ້ນການຮ່ວມມືອັນດີງາມ ຂອງສອງປະເທດ ກໍຄື ການເປັນຄູ່ຮ່ວມຍຸດທະສາດ ລະຫວ່າງຍີ່ປຸ່ນ-ສປປ ລາວ ໃຫ້ມີບາດກ້າວຂະຫຍາຍຕົວ ແລະ ແໜ້ນແຟ້ນຍິ່ງໆຂຶ້ນ, ລວມທັງເປັນການສະເຫລີມສະ ຫລອງ ການພົວພັນ ແລະ ການຮ່ວມມື ອາຊຽນ-ຍີ່ປຸ່ນ ຄົບຮອບ 50 ປີ ແລະ ລັດຖະບານຍີ່ປຸ່ນ ກໍຢືນຢັນສະໜັບສະໜູນ ສປປ ລາວ ເປັນເຈົ້າພາບກອງປະຊຸມສຸດຍອດອາຊຽນປີ 2024 ພ້ອມຈະສືບຕໍ່ຊ່ວ່ຍເຫລືອ ສປປ ລາວ ໃນຫລາຍໂຄງການ ທັງໂຄງການທີ່ມີຢູ່ແລ້ວ ແລະ ໂຄງການໃໝ່ ໂດຍສະເພາະວຽກງານການປ່ຽນແປງດິນຟ້າອາກາດ, ການດຶງດູດການລົງທຶນເຂົ້າມາລາວ ແລະ ອື່ນໆ. ປັດຈຸ ບັນ, ມີຫລາຍກວ່າ 160 ບໍລິສັດຂອງຍີ່ປຸ່ນ ມາລົງທຶນໃນ ສປປ ລາວ ເຊິ່ງຈັດເປັນອັນດັບທີ 6 ຂອງການລົງທຶນຕ່າງປະເທດໃນ ສປປ ລາວ.

ຈາກອະດີດເຖິງປັດຈຸບັນ, ຍີ່ປຸ່ນ ຍັງເປັນປະເທດອັນດັບຕົ້ນໆ ທີ່ໃຫ້ການຊ່ວຍເຫລືອລ້າແກ່ ສປປ ລາວ ເປັນຕົ້ນ ການພັດທະນາການສຶກສາ, ຂະແໜງກະສິກໍາ, ສາທາລະນະສຸກ, ເກັບກູ້ລະເບີດ, ສະໜອງອາສາສະໝັກ, ການພັດທະນາພື້ນຖານໂຄງລ່າງ ແລະ ອື່ນໆ.

ທີ່ມາ: ຂປລ

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...