ກອງປະຊຸມຄະນະປະຈຳສະພາແຫ່ງຊາດ ປະຈຳເດືອນພະຈິກ 2014 ຈັດຂຶ້ນລະຫວ່າງວັນທີ 3-4 ທັນວາ 2014 ທີ່ສະພາ
ແຫ່ງຊາດ ໂດຍເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ເຊິ່ງຜູ້ເຂົ້າຮ່ວມໄດ້ປຶກສາຫາລືໃນ
ຫຼາຍບັນຫາສຳຄັນຂອງຊາດ ເປັນຕົ້ນແມ່ນ ວຽກງານການກຽມຄວາມພ້ອມຮອບດ້ານ ວຽກງານຈັດກອງປະຊຸມສະ
ໄໝສາມັນເທື່ອທີ 8 ຂອງສະພາແຫ່ງຊາດ.
ສຳລັບກອງປະຊຸມຄັ້ງນີ້ ບັນດາຜູ້ເຂົ້າຮ່ວມໄດ້ພ້ອມກັນຄົ້ນຄວ້າ ແລະ ປະກອບຄຳຄິດເຫັນ ໃສ່ບົດລາຍງານຂອງຫ້ອງ
ວ່າການສະພາແຫ່ງຊາດ ກ່ຽວກັບການເຄື່ອນໄຫວວຽກງານ 6 ເດືອນທ້າຍປີ 2014 ແລະ ທິດທາງວຽກງານ 6 ເດືອນ
ຕົ້ນປີ 2015 ຂອງຄະນະປະຈຳສະພາແຫ່ງຊາດ ຕໍ່ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ 7
ຜ່ານແບບໂຄງການປຸກສ້າງຕຶກຫ້ອງວ່າການສະພາແຫ່ງຊາດ ປະຈຳເຂດເລືອກ ຕັ້ງທີ 7 ແຂວງໄຊຍະບູລີ ບົດລາຍ
ງານຂອງອົງການກວດສອບແຫ່ງລັດ ກ່ຽວກັບຄວາມຄືບໜ້າ ຜົນການກວດສອບບົດສະຫຼຸບຂາດຕົວ ການຈັດຕັ້ງ
ປະຕິບັດງົບປະມານແຫ່ງລັດ ສົກປີ 2012-2013 ວຽກງານພິຈາລະນາແຕ່ງຕັ້ງຮອງຫົວໜ້າອົງການກວດສອບແຫ່ງ
ລັດ ປະຈຳພາກເໜືອ ບົດລາຍງານຂອງກະຊວງແຮງງານ ແລະ ສະຫວັດດີການ-ສັງຄົມ ກ່ຽວກັບການພັດທະນາສີມື
ແຮງງານ ການຂາດແຄນແຮງງານ ແລະ ມາດຕະການໃນການຄຸ້ມຄອງແຮງງານພາຍໃນ ແລະ ຕ່າງປະເທດ ບົດ
ລາຍງານກ່ຽວກັບຕາຕະລາງການຈັດແບ່ງງົບປະມານ ສົກປີ 2014-2015 ແລະ ຜົນການດັດແກ້ງົບປະມານ ສົກປີ
2013-2014 ຜ່ານມາຂອງກະຊວງການເງິນ ພ້ອມນັ້ນ ກອງປະຊຸມຍັງໄດ້ຮັບຟັງລາຍງານການທາບທາມຮ່າງລັດຖະ
ທຳມະນູນ ປີ 2003 ລວມທັງບາງເນື້ອໃນທີ່ຈະຖືກບັນຈຸເຂົ້າໃນວາລະກອງປະຊຸມສະໄໝ ສາມັນເທື່ອທີ 8 ຕື່ມອີກ.
ແຫລ່ງຂ່າວ: ວຽງຈັນໃໝ່