spot_img
Homeຂ່າວການພັດທະນາປະຕິສັງຂອນພິພິທະພັນຫໍພະແກ້ວ ຄັ້ງທີ 3 ຈະຕ້ອງຍິ່ງໃຫຍ່ຢ່າງສົມກຽດ

ປະຕິສັງຂອນພິພິທະພັນຫໍພະແກ້ວ ຄັ້ງທີ 3 ຈະຕ້ອງຍິ່ງໃຫຍ່ຢ່າງສົມກຽດ

Published on

20141203164654

 

ໂຄງການ​ປະຕິສັງຂອນ​ພິ​ພິທະ​ພັນ​ຫໍພະແກ້ວ ນະຄອນຫຼວງວຽງ​ຈັນ ທີ່​ຈະ​ເປີດ​ຢ່າງ​ເປັນ​ທາງການ ​ໃນ​ວັນ​ທີ 5-6 ທັນວາ

2014 ກົງ​ກັບ (ວັນເພັງ 14-15 ຄ່ຳ ເດືອນ​ຈຽງ ຫຼື ເດືອນ 1 ຂອງລາວ) ທີ່​ຖື​ວ່າ​ເປັນ​ເລີກ​ງາມ​ຍາມດີ ເພື່ອ​ໃຫ້​ມວນ​ຊົນ​ທັງ

ຫຼາຍ​ທີ່ເຫຼື້ອມ​ໃສ​ພຸດ​ທະ​ສາສະໜາ ​ໄດ້ຮ່ວມ​ໂມທະນາ​ປັດ​ໄຈ ໂດຍ​ກຳນົດ​ຈະ​ໃຫ້​ສຳເລັດ​ໃນ​ທ້າຍ​ປີ 2015 ກ່ອນ​ຈະ​ສະເຫຼີມ

ສະຫຼອງຢ່າງ​ສົມ​ກຽດ​ຄັ້ງ​ໃຫຍ່.

 

ທ່ານ ສາຍທອງ ແກ້ວ​ດວງ​ດີ ຮອງ​ເຈົ້າ​ຄອງນະຄອນຫຼວງ​ວຽງຈັນ ໄດ້​ຖະແຫຼງ​ຂ່າວ​ຕໍ່​ສື່​ມວນ​ຊົນວັນ​ທີ 3 ທັນວາ 2014

ໄດ້​ຮູ້​ວ່າ: ການ​ປະຕິສັງຂອນ​ພິ​ພິ​ທະ​ພັນ​ຫໍພະແກ້ວ ຄັ້ງ​ທີ 3 ໂດຍ​ຈະ​ເປີດໃຫ້​ມວນ​ຊົນ​ຊາວ​ພຸດ​ທັງ​ພາຍ​ໃນ ແລະ ຕ່າງປະ

ເທດ ໄດ້​ມີ​ສ່ວນຮ່ວມ​ໃນ​ການ​ປະຕິສັງຂອນ​ດັ່ງກ່າວ​ ທີ່​ເຫັນ​ວ່າ​ຊຸດໂຊມ​ ໃຫ້​ອອກມາ​ໄດ້​ຢ່າງ​ສົມບູນ​ແບບ ​ໂດຍ​ຈະ​ບໍ່ໃຊ້​

ເຫຼັກ ແລະ ຍັງ​ຄົງ​ຮັກສາ​ຮູບຮ່າງ​ເອກະລັກ​ລາວ​ເດີມ ຄາດວ່າ​ຈະ​ໃຊ້​ງົບປະມານ​ທັງ​ໝົດ​ປະມານ 30 ຕື້​ກີບ ຈຶ່ງ​ຈະ​ສຳເລັດ

ໂດຍ​ພື້ນຖານ ແຕ່​ຍັງ​ບໍ່​ທັນ​ໄດ້​ມີການ​ລະບຸ​ບໍລິສັດ​ທີ່​ຈະ​ມາ​ຮັບເໝົາ​ໃນ​ການ​ກໍ່ສ້າງ ເນື່ອງ​ຈາກການ​ປະຕິສັງຂອນ​ຄັ້ງ​ນີ້

ປະກອບມີ​ຢູ່ 3 ໜ້າ​ວຽກຄື: ຫຼັງຄາ ເຕົ້າຂອງ​ຖານ ແລະ ຖານ​ລ່າງ ​ທີ່​ຈະຕ້ອງ​ໄດ້​ມີ​ການ​ແລ່ນ​ນ້ຳ​ປະປາ ພ້ອມ​ຕິດ​ຕັ້ງ​ໄຟ

ຟ້າ​ໃຫ້​ເປັນ​ລະບົບກວ່າ​ເກົ່າ.

 

ພິ​ພິ​ທະ​ພັນ​ຫໍພະແກ້ວ ​ໄດ້​ຮັບການ​ສ້າງຕັ້ງ​ຂຶ້ນ​ໃນ​ປີ ​ພສ 2108 (​ຄສ 1565) ສະໄໝ​ລາຊະການພະ​ເຈົ້າ​ໄຊ​ຍະ​ເຊດ​ຖາ​ທິ​

ລາດ ເພື່ອເປັນ​ບ່ອນ​ປະດິດສະຖານ​ຂອງພຣະ​ແກ້ວ​ມໍ​ລະ​ກົດ ເຊິ່ງ​ຖື​ວ່າ​ເປັນສິ່ງ​ສັກສິດ​ຂອງ​ຊາດ ແລະ ສັນຍາ​ລັກ​ທີ່​ຕິດ

​ພັນ​ກັບ​ຄວາມ​ສົມບູນ​ພູນ​ສຸກ ຄວາມ​ເຊື່ອ​ຖື ຄວາມ​ສັກກະ​ລະ​ບູຊາ ຄວາມ​ວັດທະນາ​ຖາວອນ​ຂອງ​ຊາດ.

 

ໃນ​ອະດີດ ​ຫໍພະແກ້ວ​ຖືກ​ທຳລາຍ​ເຖິງ 2 ຄັ້ງ ໂດຍ​ສັກ​ດີ​ນາສະຫຍາມ​ເມື່ອ​ປີ ​ຄສ 1779 ແລະ ​ຄສ 1826-1829 ກ່ອນ​ທີ່

ເຈົ້າອະນຸວົງ ຈະ​ນຳພາ​ປະຕິ​ສັງຂອນ​ຄັ້ງ​ທຳ​ອິດ​ຂຶ້ນ ​ເມື່ອ​ປີ 1816 ແລະ ຕໍ່​ມາ​ໃນ​ປີ ​ຄສ 1936-1942 ເຫັນ​ວ່າ​ຫໍ​ດັ່ງກ່າວ

ຍັງ​ບໍ່ທັນສົມບູນ​ແບບ ​ໂດຍ​ມີ​ສະເດັດເຈົ້າ​ສຸວັນນະ​ພູມ​ມາ ໃນ​ຖານະເປັນ​ວິ​ສາ​ວະ​ກອນ​ເປັນ​ຜູ້ນຳ​ພາ ເຊິ່ງ​ໄດ້​ໃຊ້​ເວລາ

​ໃນ​ການ​ບູລະນະ 6 ປີ ຈິ່ງ​ສຳເລັດ ກ່ອນ​ຈະ​ມາເຖິງ​ປີ ​ຄສ 1987 ຫໍພະແກ້ວ​ໄດ້ຖືກ​ປະກາດ​ໃຫ້​ເປັນ​ ຫໍ​ພິ​ພິ​ທະ​ພັນສະຖານ

​ບູຮານ​ແຫ່ງ​ຊາດ ​ຢ່າງເປັນ​ທາງ​ການ.ສຳລັບ​ໂຄງການ​ປະຕິສັງຂອນພິ​ພິ​ທະ​ພັນ​ຫໍພະແກ້ວ ຄັ້ງ​ທີ 3 ມີ​ກຳນົດ​ເວລາ

​​ເບື້ອງຕົ້ນ​ປະມານ 1 ປີ​ເຕັມ ໂດຍ​ຈະເປີດ​ຮັບ​ບໍລິຈາກ​ນັບ​ແຕ່​ມື້​ເປີດໂຄງການ​ເປັນຕົ້ນ​ໄປ (ສ່ວນ​ລາຍລະອຽດ​ຕິດຕໍ່

​ພົວພັນ​ກັບ​ຄະນະຮັບຜິດຊອບ​ຕື່ມ​ທີ່​ພິ​ພິ​ທະ​ພັນ​ຫໍ​ ພະແກ້ວ) ກ່ອນ​ຈະ​ສະເຫຼີມສະຫຼອງວັນ​ຄົບຮອບ 40 ປີ ແຫ່ງ​ການ

ສະຖາປະນາ ​ສປປ ລາວ ແລະ ຄົບຮອບ 450 ປີ ແຫ່ງ​ການ​ກໍ່ສ້າງ​ຫໍພະແກ້ວ ເຊີນຊວນ​ມວນ​ຊົນ​ທຸກ​ຊັ້ນ​ຄົນ ຈົ່ງ​ເຂົ້າ​

ມາ​ມີ​ສ່ວນ​ຮ່ວມ​ໃນ​ກິດຈະກຳ​ສຳຄັນ​ຄັ້ງ​ນີ້​ດ້ວຍ.

 

ແຫລ່ງຂ່າວ: ວຽງຈັນໃໝ່

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...