ອິດສະຣາແອນ ແລະ ກຸ່ມຕິດອາວຸດປາເລສໄຕ “ຮາມາສ” ເຮັດໃຫ້ມີຄົນເສຍຊີວິດລວມກັນທັງສອງຝ່າຍ ເພີ່ມຂຶ້ນຫຼາຍກວ່າ 1.100 ຄົນ.
ຈາກການຂັດແຍ່ງຕໍ່ສູ້ກັນຢ່າງຮຸນແຮງລະຫວ່າງ ອິດສະຣາແອນ ແລະ ກຸ່ມຕິດອາວຸດປາເລສໄຕ “ຮາມາສ” ທີ່ເກີດຂຶ້ນຕັ້ງແຕ່ວັນເສົາທີ 7 ຕຸລາ 2023 ເປັນຕົ້ນມາ ປັດຈຸບັນ ມີຜູ້ເສຍຊີວິດລວມກັນທັງສອງຝ່າຍ ເພີ່ມຂຶ້ນຫຼາຍກວ່າ 1.100 ຄົນ ໂດຍມື້ວານນີ້ ລັດຖະບານປະເທດອິດສະຣາແອນ ໄດ້ປະກາດສົງຄາມກັບກຸ່ມດັ່ງກ່າວ ຢ່າງເປັນທາງການແລ້ວ.
ເຈົ້າໜ້າທີ່ອິດສະຣາແອນ ກ່າວວ່າ ເຫດການກຸ່ມກໍ່ການຮ້າຍຮາມາສ ໄດ້ເລີ່ມການໂຈມຕີຄັ້ງໃຫຍ່ນີ້ຕໍ່ປະຊາຊົນອິດສະຣາແອນ ເຮັດໃຫ້ມີຜູ້ເສຍຊີວິດຢ່າງໜ້ອຍ 700 ຄົນ ໃນນີ້ລວມເຖິງທະຫານ 44 ຄົນ ແລະ ປາເລສໄຕ ເສຍຊີວິດ 400 ກວ່າຄົນ ໃນຈຳນວນນີ້ມີເດັກນ້ອຍ 20 ຄົນ.
ທັ້ງນີ້ ການຂັດແຍ່ງຊອງ 2 ຊົນຊາດ ອິດສະຣາແອນ ແລະ ປາເລສໄຕ ມີມາບໍ່ຮອດຮ້ອຍປີ ແຕ່ຮາກຖານຂອງການເກີດບັນຫາໄດ້ມີມານັບ 1000 ປີແລ້ວ ແຕ່ຍັງບໍ່ມີແນວທາງໃນການສ້າງສັນຕິພາບຂອງທັງສອງ.
ແຫຼ່ງຂ່າວ Reuters