Homeຂ່າວຄາດຕະກຳເຫດຄາຕະກຳ 2 ແມ່ລູກ ທີ່ເຫັນເສບຢາບ້າ ແລ້ວຍ້ານໄປບອກຕຳຫຼວດ

ເຫດຄາຕະກຳ 2 ແມ່ລູກ ທີ່ເຫັນເສບຢາບ້າ ແລ້ວຍ້ານໄປບອກຕຳຫຼວດ

Published on

ຕາມການລາຍງານຂອງເຈົ້າໜ້າທີ່ພະແນກສືບສວນ-ສອບສວນ ປ້ອງກັນຄວາມສະຫງົບ ແຂວງຈຳປາສັກ ໃຫ້ຮູ້ວ່າ: ໃນຄັ້ງວັນທີ 24 ກັນຍາ 2023 ຜ່ານມາ ໄດ້ຮັບການລາຍງານຈາກເຈົ້!ໜ້າທີ່ຕຳຫຼວດວິຊາສະເພາະ ປ້ອງກັນຄວາມສະຫງົບ ເມືອງປາກຊ່ອງວ່າ: ມີການກໍ່ເຫດຄາຕະກຳເກີດຂຶ້ນຢູ່ທີ່ສວນກະເຟ ເຂດບ້ານໜອງເຂືອງໃຫຍ່ ເມືອງປາກຊ່ອງ ແຂວງຈຳປາສັກ ເຮັດໃຫ້ມີຜູ້ເສຍຊີວິດ 1 ຄົນ ແລະ ບາດເຈັບສາຫັດ 1 ຄົນ.

ຕາມການລາຍງານຂອງເຈົ້າໜ້າທີ່: ຜູ້ເສຍຊີວິດ ນາງ ໄພ ອາຍຸ 30 ປີ ອາຊີບຊາວສວນ ບ້ານໜອງເຂືອງໃຫຍ່ ເມືອງປາກຊ່ອງ ແຂວງຈຳປາສັກ ສ່ວນ ຜູ້ບາດເຈັບຊື່ນາງ ລິຕ້າ ອາຍຸ 8 ປີ ລູກສາວຂອງຜູ້ເສີຍຊີວິດ ຫຼັງຈາກນັ້ນເຈົ້າໜ້າທີ່ລົງເກັບກຳຂໍ້ມູນ ແລະ ກຳນົດເປົ້າໝາຍ ຈົນມາຮອດວັນທີ 30 ກັນຍາ 2023 ແລະສາມາດັຈບຕົວຜູ້ກໍ່ເຫດຄາຕະກຳໄດ້ ຊື່ ທ້າວ ໄພທູນ ອາຍຸ 22 ປີ ອາຊີບຊາວສວນ ບ້ານໜອງເຂືອງໃຫຍ່ ເມືອງປາກຊ່ອງ ແຂວງຈຳປາສັກ ມາດຳເນີນຄະດີ.

ຜ່ານການສືບສວນ-ສອບສວນຜູ້ກ່ຽວໄດ້ຮັບສາລະພາບວ່າ ໃນຕົ້ນປີ 2022 ຜູ້ກ່ຽວໄດ້ເສບຢາເສບຕິດເປັນຕົ້ນມາ, ເຊິ່ງຢາທີ່ໄດ້ມາເສບໄດ້ຊື້ມາຈາກໄວລຸ້ນ ເຂດບ້ານໜອງເຂືອງ ຄັ້ງລະ 50 ເມັດ, ເມັດ 10 ພັນກີບ ແລະ ໃນເວລາຜູ້ກ່ຽວເສບຢາຫຼາຍມັກມີອາການມຶນເມົາ ຕົກມາຮອດວັນທີ 24 ກັນຍາ 2023 ເວລາປະມານ 04:00 ໂມງ ທ້າວ ໄພທູນ ໄດ້ໄປຊື້ຢາເສບຕິດ ມາຈາກໄວລຸ້ນເຂດບ້ານຈັນສະຫວ່າງ ເມືອງປາກຊ່ອງຈຳນວນ 13 ເມັດ ໃນລາຄາ 1 ແສນກີບ ພາຍຫຼັງໄດ້ຢາມາເອງກໍເອົາມາເສບຢູ່ປ່າກາເຟ ເຂດບ້ານໜອງເຂືອງໃຫຍ່ ເມືອງປາກຊ່ອງ ຈຳນວນ 10 ເມັດ ຫຼັງຈາກຜູ້ກ່ຽວເສບຢາແລ້ວ ກໍໄດ້ກັບເມືອເຮືອນ ຈົນມາຮອດເວລາ 11:00 ໂມງ ຂອງວັນດຽວກັນນັ້ນ, ທ້າວໄພທູນ ໄດ້ອອກໄປສວນກາເຟອີກຄັ້ງເພື່ອເອົາຢາບ້າຈຳນວນ 3 ເມັດ ທີ່ຍັງເຫຼືອມາເສບອີກ ແລະ ໃນເວລາເສບຢາກໍມີອາການມຶນເມົາ ແລະ ໃນເວລາເສບຢານັ້ນກໍມີນາງໄພ ແລະ ລູກສາວມາໄດ້ຢ່າງເຂົ້າມາຂຸດຈີລໍ່ຢູ່ໃນສວນຕົນເອງເຊິ່ງ ສວນຂອງທັງສອງແມ່ນຕິດກັນ ແລະ ໄດ້ເຫັນທ້າວໄພທູນເສບຢາ ທ້າວໄພທູນ “ຈຶ່ງຄິດຢ້ານວ່ານາງ ໄພ ຈະໄປບອກຕຳຫຼວດ ເມື່ອເປັນແນວນັ້ນຍຜູ້ກ໋ຽວຈຶ່ງໄດ້ຍ່າງໄປຫານາງ ໄພ ຢູ່ສວນ ເມືອນາງໄພເຫັນແນວນັ້ນກໍໄດ້ຍ່າງໜີ ແຕ່ທ້າວໄພທູນໄດ້ຈັບມືຂອງນາງໄພແລ້ວຈຶ່ງເກີດການຕໍສູ້ກັນຂຶ້ນ ໃນລະຫວ່າງການຕໍ່ສູ້ ທ້າວໄພທູນ ເຫັນມີດຂອງນາງໄພ ຈຶ່ງໄດ້ຟັນເຂົ້າທີ່ຫົວ 1 ບາດ ເຮັດໃຫ້ນາງໄພ ເສຍຊີວິດ ແລະ ຟັນລູກຂອງຜູ້ເສີຍຊີວິດ 3 ບາດ ເຮັດໃຫ້ບາດເຈັບສາຫັດ ປັດຈຸບັນແມ່ອາການດີຂຶ້ນແລ້ວ ເຈົ້າໜ້າທີ່ຈຶ່ງຈັລບຕົວຜູ້ກໍ່ເຫດມາຮັບໂທດ ແລະ ດຳເນີນຄະດີຕາມກๆດໝາຍຕໍ່ໄປ.

ບົດຄວາມຫຼ້າສຸດ

ນາຍົກລັດຖະມົນຕີ ຈະເດີນທາງຢ້ຽມຢາມຣັດເຊຍ ເຂົ້າຮ່ວມກອງປະຊຸມສະເຫຼີມສະຫຼອງສາຍພົວພັນ ອາຊຽນ-ຣັດເຊຍ ຄົບຮອບ 35 ປີ ໃນວັນທີ 14-17/06/2026

ແຈ້ງການ ຂອງກະຊວງການຕ່າງປະເທດ ແຫ່ງ ສປປ ລາວ ໂດຍຕອບສະໜອງຕາມການເຊື້ອເຊີນ ຂອງ ພະນະທ່ານ ມີຄາອິນ ມີຊູສະຕິນ, ນາຍົກລັດຖະມົນຕີ ແຫ່ງ ສະຫະພັນ ຣັດເຊຍ,...

ບຸກມ້າງກຸ່ມແກ້ງສະແກມເມີ ແຂວງຈໍາປາສັກ ບຸກມ້າງແກ້ງສະແກມເມີ ກັກຕົວຜູ້ຕ້ອງສົງໃສໄດ້ທັງໝົດ 50 ຄົນ ສັນຊາດຈີນ 48 ຄົນ ແລະ ສັນຊາດລາວ 02 ຄົນ

ເຈົ້າໜ້າທີ່ຕຳຫຼວດແຂວງຈຳປາສັກ ເປີດປະຕິບັດການຈູ່ໂຈມ ທະລາຍຮັງກຸ່ມແກ້ງສະແກມເມີ (Scammer) ທີ່ລັກລອບເຄື່ອນໄຫວອາດຊະຍາກຳທາງເທັກໂນໂລຢີ ສາມາດກັກຕົວຜູ້ຕ້ອງສົງໃສໄດ້ທັງໝົດ 50 ຄົນ ພ້ອມຂອງກາງເຄື່ອງຄອມພິວເຕີ ແລະ ໂທລະສັບມືຖືເປັນຈຳນວນຫຼວງຫຼາຍ. ເຫດການດັ່ງກ່າວເກີດຂຶ້ນໃນວັນທີ 11 ມິຖຸນາ 2026...

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....