ອຸຕຸນິຍົມວິທະຍາຂອງຍີ່ປຸ່ນ ປະກາດເຕືອນໄພຄື້ນຍັກສຶນາມິ ພາຍຫຼັງທີ່ເກີດແຜ່ນດິນໄຫວ 6,6 ຣິກເຕີ ທີ່ໝູ່ເກາະອິຊຸໃນຊ່ວງເຊົ້ານີ້.
ເກີດແຜ່ນດິນໄຫວບໍລິເວນໝູ່ເກາະອິຊຸ ໃກ້ເມືອງໂທຣິຊິມະ ເຊິ່ງຕັ້ງຢູ່ຫ່າງຈາກໂຕກຽວ ປະມານ 580 ກິໂລແມັດ ໂດຍແຜ່ນດິນໄຫວຄັ້ງນີ້ ເກີດຂຶ້ນໃນເວລາ 11:00 ໂມງ ໃນວັນທີ 5 ຕຸລາ 2023 ຕາມເວລາທ້ອງຖິ່ນ.
ທາງດ້ານອຸຕຸນິຍົມຍີ່ປຸ່ນ ລະບຸວ່າ ຄວາມຮຸນແຮງຂອງແຜ່ນດິນໄຫວໃນຄັ້ງນີ້ ອາດສົ່ງຜົນໃຫ້ເກີດຄື້ນສຸນາມິ ສູງປະມານ 1 ແມັດ ຈຶ່ງອອກປະກາດເຕືອນສຸນາມິ ໃນເວລາ 11:00 ໂມງ ຕາມເວລາຍີ່ປຸ່ນ ຫຼື 9:10 ໂມງ ໃນເວລາລາວ ໂດຍແນະນຳໃຫ້ປະຊາຊົນທີ່ຢູ່ໃກ້ແຄມຝັ່ງທະເລ ໃຫ້ໄປຢູ່ບ່ອນສູງຈົນກວ່າຈະມີປະກາດປ່ຽນແປງ.
ຫຼ້າສຸດ ຍີ່ປຸ່ນພົບວ່າ ເກີດຂຶ້ນສຶນາມິ ສູງປະມານ 30 ຊັງຕີແມັດ ພັດເຂົ້າບໍລິເວນເກາະຮາຊິໂຈຈິມະ ໃນຊ່ວງ 12:17 ໂມງ ຕາມເວລາທ້ອງຖິ່ນ ແລະ ອາດເກີດຂຶ້ນຂະໜາດໃຫຍ່ກວ່ານີ້ພັດເຂົ້າໃນເຂດອື່ນໆ ໂດຍເຕືອນໃຫ້ປະຊາຊົນຫຼີກລ່ຽງການເດີນທະເລ ຫຼື ເຂົ້າໃຫ້ແຄມຝັ່ງ ຈົນກວ່າຈະມີການຍົກເລີກຄຳເຕືອນ.
ແຫຼ່ງຂ່າວ NHK