ເມື່ອເຮົາຄິດຫາໝາກໄມ້ ສິ່ງທີ່ເຮົາຄິດອອກກໍຈະແມ່ນ ແອັບເປິ້ນ ລະແຊ່ງ ສະຕໍເບີລີ່ ແຕ່ຈະເປັນໄປໄດ້ແນວໃດວ່າໝາກເຜັດຈະເປັນໝາກໄມ້ ເພາະມັນບໍ່ໄດ້ແຊບ ຫອມຫວານຄືກັບໝາກໄມ້, ທ່ານຮູ້ບໍວ່າ ແທ້ໆແລ້ວໝາກເຜັດນັ້ນແມ່ນໝາກໄມ້.

ໃນທາງພືດສາດ ໝາກເຜັດເປັນໝາກໄມ້ ເນື່ອງຈາກພາຍໃນມີແກ່ນ ແລະ ເກີດການອອກດອກຂອງພືດ ໝາກເຜັດຈຶ່ງເປັນພືດທີ່ມີອະໄວຍະວະສືບພັນ ເຮັດໜ້າທີ່ສ້າງແກ່ນ ນອກນີ້ ໝາກເຜັດຍັງມີຣົດຊາດຫວານ ສົ້ມ ເລັກໜ້ອຍ ທີ່ເປັນຣົດຊາດຂອງໝາກໄມ້ທົ່ວໄປ.

ແຕ່ໃນທາງອາຫານ ໝາກເຜັດຖືກຈັດຢູ່ໃນຜັກ ເນື່ອງຈາກນິຍົມມາປະກອບກັບອາຫານຮ່ວມກັບຜັກຊະນິດອື່ນໆ ແລະ ມັນມີຣົດຊາດເຜັດ ເຊິ່ງແຕກຕ່າງຈາກໝາກໄມ້ທີ່ມີຣົດຊາດຫວານສົ້ມ.

ດັ່ງນັ້ນແລ້ວ ໝາກເຜັດ ເປັນໝາກໄມ້ຕາມຫຼັກພືດສາດ ແລະ ຖືກຈັດເປັນຜັກຕາມຫຼັກຂອງອາຫານ.

ຂໍ້ມູນຈາກ cayennediane