ພະແນກກະສິກໍາ ແລະ ປ່າໄມ້ ແຂວງອັດຕາປື ແຈ້ງຫ້າມເກັບກູ້ ແລະ ຊື້-ຂາຍ ຂີ້ກະເດືອນທໍາມະຊາດ.
- ຫ້າມບຸກຄົນ, ນິຕິບຸກຄົນ, ພະນັກງານ, ທະຫານ, ຕໍາຫຼວດ, ນັກທຸລະກິດ ທັງພາຍໃນ ແລະ ຕ່າງປະເທດ ເກັບກູ້ ແລະ ຊື້-ຂາຍ ຂີ້ກະເດືອນທໍາມະຊາດ ເພື່ອເປັນທຸລະກິດຢ່າງເດັດຂາດ, ມີພຽງແຕ່ອະນຸຍາດໃຫ້ນໍາໃຊ້ຕາມປະເພດນີ້ ໂດຍບໍ່ໃຫ້ນໍາໃຊ້ເຄື່ອງມືທີ່ມີລັກນະດັບສູນ.
- ຖ້າບຸກຄົນ ຫຼື ບໍລິສັດໃດ ຢາກເກັບກູ້, ຊື້-ຂາຍຂີ້ກະເດືອນທໍາມະຊາດ ເພື່ອເປັນທຸລະກິດ ແມ່ນຕ້ອງໄດ້ເຮັດໜັງ ສືສະເໜີຫາຂະແໜງປ່າໄມ້ ເພື່ອລົງສໍາຫຼວດເກັບກໍາຂໍ້ມູນສຶກສາຄວາມເປັນໄປໄດ້ ໂດຍຮັບປະກັນ ບໍ່ໃຫ້ມີຜົນກະທົບຕໍ່ລະບົບນິເວດທາງທໍາມະຊາດ ແລະ ຕ້ອງໄດ້ຮັບອະນຸຍາດຈາກພະແນກກະສິກໍາ ແລະ ປ່າໄມ້ ຈຶ່ງສາມາດ ຈັດຕັ້ງປະຕິບັດໄດ້.
- ມອບໃຫ້ຫ້ອງການກະສິກໍາ ແລະ ປ່າໄມ້ເມືອງ ເຜີຍແຜ່ແຈ້ງການສະບັບນີ້ໃຫ້ ພໍ່ແມ່ປະຊາຊົນ, ອໍານາດການ ປົກຄອງບ້ານ ແລະ ນັກທຸລະກິດ ຈົ່ງຮັບຮູ້ ແລະ ເຂົ້າໃຈ ພ້ອມທັງຈັດຕັ້ງປະຕິບັດໃຫ້ມີປະສິດທິຜົນ.
ໃນກໍລະນີ ຜູ້ໃດຫາກລະເມີດຕໍ່ແຈ້ງການສະບັບນີ້ ຈະຖືກປັບໃໝ ແລະ ເຈົ້າເນີນການ ຕາມມາດຕາ 70, 71 ຂອງກົດໝາຍ ວ່າ ດ້ວຍສັດນໍ້າ ແລະ ສັດປ່າ ສະບັບເລກທີ 07/ສພຂ, ລົງວັນທີ 24 ທັນວາ 2007.