Homeຂ່າວພາຍ​ໃນມູນຄ່າການນໍາເຂົ້າ ແລະ ສົ່ງອອກ ສິນຄ້າ ຂອງ ສປປ ລາວ ປະຈໍາເດືອນ 8 ປີ 2023

ມູນຄ່າການນໍາເຂົ້າ ແລະ ສົ່ງອອກ ສິນຄ້າ ຂອງ ສປປ ລາວ ປະຈໍາເດືອນ 8 ປີ 2023

Published on

ມູນຄ່າການນໍາເຂົ້າ ແລະ ສົ່ງອອກ ສິນຄ້າ ຂອງ ສປປ ລາວ ປະຈໍາເດືອນ 8 ປີ 2023 ບັນລຸໄດ້ ປະມານ 980 ລ້ານໂດລາສະຫະລັດ. ໃນນີ້, ມູນຄ່າການສົ່ງອອກ ປະມານ 446 ລ້ານໂດລາສະຫະລັດ, ມູນຄ່າການນໍາເຂົ້າ ປະມານ 534 ລ້ານໂດລາສະຫະລັດ ແລະ ຂາດດຸນການຄ້າ ປະມານ 88 ລ້ານໂດລາສະຫະລັດ. ມູນຄ່າການນໍາເຂົ້າ ແລະ ສົ່ງອອກ ປະຈໍາເດືອນ 8 ປີ 2023 ແມ່ນຍັງບໍ່ກວມເອົາມູນຄ່າການນຳເຂົ້າ ແລະ ສົ່ງອອກ ໄຟຟ້າ

ສິນຄ້າສົ່ງອອກທັງໝົດ ປະມານ 446 ລ້ານໂດລາສະຫະລັດໃນນີ້, ສິນຄ້າສົ່ງອອກ 10 ອັນດັບ ໄດ້ແກ່: ​​ເກືອກາລີ ປະມານ 65 ລ້ານໂດລາສະຫະລັດ, ຄໍາປະສົມ-ຄຳແທ່ງ ປະມານ 59 ລ້ານໂດລາສະຫະລັດ, ເຈ້ຍ ແລະ ເຄື່ອງທີ່ເຮັດດ້ວຍເຈ້ຍ ປະມານ 39 ລ້ານໂດລາສະຫະລັດ, ແຮ່ທອງ ປະມານ 35 ລ້ານໂດລາສະຫະລັດ, ນໍ້າຕານ ປະມານ 29 ລ້ານໂດລາສະຫະລັດ, ຢາງພາລາ ປະມານ 26 ລ້ານໂດລາສະຫະລັດ, ເຍື່ອໄມ້ ແລະ ເສດເຈ້ຍ ປະມານ 23 ລ້ານໂດລາສະຫະລັດ, ເຄື່ອງນຸ່ງຫົ່ມ ປະມານ 21 ລ້ານໂດລາສະຫະລັດ, ແຮ່ເຫຼັກ ປະມານ 19 ລ້ານໂດລາສະຫະລັດ, ໝາກກ້ວຍ ປະມານ 13 ລ້ານໂດລາສະຫະລັດ.

ສິນຄ້ານຳເຂົ້າທັງໝົດ ປະມານ 534 ລ້ານໂດລາສະຫະລັດ. ໃນນີ້, ສິນຄ້ານໍາເຂົ້າ 10 ອັນດັບ ໄດ້ແກ່: ນ້ຳມັນກາຊວນ ປະມານ 58 ລ້ານໂດລາສະຫະລັດ, ອຸປະກອນກົນຈັກ ປະມານ 56  ລ້ານໂດລາສະຫະລັດ, ພາຫະນະທາງບົກ ປະມານ 43 ລ້ານໂດລາສະຫະລັດ, ເຫຼັກ ແລະ ເຄື່ອງທີ່ເຮັດດ້ວຍເຫຼັກ-ເຫຼັກກ້າ ປະມານ 37 ລ້ານໂດລາສະຫະລັດ, ຊິ້ນສ່ວນອາໄຫຼ່ລົດ ປະມານ 22 ລ້ານໂດລາສະຫະລັດ, ເຍື່ອໄມ້ ແລະ ເສດເຈ້ຍ ປະມານ 18 ລ້ານໂດລາສະຫະລັດ, ເຄື່ອງໄຟຟ້າ ແລະ ອຸປະກອນໄຟຟ້າ ປະມານ 17 ລ້ານໂດລາສະຫະລັດ, ນໍ້າມັນແອັດຊັງ ປະມານ 17 ລ້ານໂດລາສະຫະລັດ, ເຄື່ອງໃຊ້ທີ່ເຮັດດ້ວຍພລາສະຕິກ ປະມານ 16  ລ້ານໂດລາສະຫະລັດ, ເຄື່ອງດື່ມ ປະມານ 12 ລ້ານໂດລາສະຫະລັດ.

ປະເທດ ທີ່ ສປປ ລາວ ສົ່ງອອກຫຼາຍ 05 ອັນດັບ ໄດ້ແກ່: ຈີນ ປະມານ 210 ລ້ານໂດລາສະຫະລັດ, ຫວຽດນາມ ປະມານ 77 ລ້ານໂດລາສະຫະລັດ, ໄທ ປະມານ 54 ລ້ານໂດລາສະຫະລັດ, ອົດສະຕາລີ ປະມານ 38 ລ້ານໂດລາສະຫະລັດ ແລະ ເຢຍລະມັນ ປະມານ 10 ລ້ານໂດລາສະຫະລັດ.

ປະເທດ ທີ່ ສປປ ລາວ ນໍາເຂົ້າຫຼາຍ 05 ອັນດັບ ໄດ້ແກ່: ໄທ ປະມານ 240 ລ້ານໂດລາສະຫະລັດ, ຈີນ ປະມານ 175 ລ້ານໂດລາສະຫະລັດ, ຫວຽດນາມ ປະມານ 25 ລ້ານໂດລາສະຫະລັດ, ສະຫະລັດອາເມລິກາ ປະມານ 19 ລ້ານໂດລາສະຫະລັດ ແລະ ຢີ່ປຸ່ນ ປະມານ 15 ລ້ານໂດລາສະຫະລັດ.

ບົດຄວາມຫຼ້າສຸດ

ສົ່ງຕົວແກ້ງຄໍເຊັນເຕີກັບຈີນ ກົມຕໍາຫຼວດຄຸ້ມຄອງຄົນຕ່າງປະເທດ ສົ່ງຕົວແກ້ງຄໍເຊັນເຕີ ຈໍານວນ 485 ຄົນ ໃຫ້ທາງການຈີນ ນຳໄປດຳເນີນຄະດີ ຫຼັງຈາກຖືກຈັບກຸມຢູ່ ສປປ ລາວ

ໃນວັນທີ 13 ພຶດສະພາ 2026 ຢູ່ດ່ານສາກົນບໍ່ເຕັນ ແຂວງຫຼວງນໍ້າທາ, ກົມຕໍາຫຼວດຄຸ້ມຄອງຄົນຕ່າງປະເທດ ກົມໃຫຍ່ສັນຕິບານ ກະຊວງ ປກສ ຮ່ວມກັບສູນຮ່ວມມືວຽກງານຕໍາຫຼວດລາວ-ຈີນ ໄດ້ມອບ-ຮັບຕົວພວກຖືກຫາທີ່ເປັນຄົນສັນຊາດຈີນ ຈໍານວນ 485...

ເອກະພາບໃນການປັບປຸງເສັ້ນທາງ ຈຳປາສັກ-ຊຽງແຕງ (ກຳປູເຈຍ) ເຫັນດີ ຈັບມືປັບປຸງເສັ້ນທາງດ່ານສາກົນ ໜອງນົກຂຽນ-ຕໍປຽງກຣຽນ  ຖືເປັນບາດກ້າວສຳຄັນ ແລະ ເສີມສ້າງສາຍພົວພັນມິດຕະພາບ.

ໃນວັນທີ 11 ພຶດສະພາ 2026, ທ່ານ ປອ ອາລຸນໄຊ ສູນນະລາດ, ເລຂາພັກແຂວງ, ປະທານສະພາປະຊາຊົນແຂວງຈຳປາສັກ ໄດ້ລົງພື້ນທີ່ຕິດຕາມ ແລະ ຊີ້ນຳການກະກຽມສ້ອມແປງເສັ້ນທາງແຕ່ ດ່ານສາກົນໜອງນົກຂຽນ...

ຊົມເຊີຍເຈົ້າໜ້າທີ່ຕຳຫຼວດ! ໃນການຕິດຕາມກວດກາ ແລະ ສະກັດກັ້ນບັນດາກຸ່ມອາຊະຍາກຳທາງເຕັກໂນໂລຊີ ຫຼື ແກ້ງສໍ້ໂກງຊັບທາງໂທລະຄົມ ທີ່ລັກລອບເຂົ້າມາເຄື່ອນໄຫວຜິດກົດໝາຍຢູ່ ສປປ ລາວ.

ໃນຍຸກທີ່ເຕັກໂນໂລຊີດິຈິຕອນ ແລະ ອິນເຕີເນັດໄດ້ກາຍເປັນສ່ວນໜຶ່ງທີ່ຂາດບໍ່ໄດ້ໃນຊີວິດປະຈຳວັນ, ໄພຂົ່ມຂູ່ຈາກແກ້ງສໍ້ໂກງຊັບທາງໂທລະຄົມ (Call Center) ຫຼື ອາຊະຍາກຳທາງເຕັກໂນໂລຊີ ໄດ້ຂະຫຍາຍຕົວຢ່າງວ່ອງໄວ ແລະ ກາຍເປັນໜຶ່ງໃນໄພຄຸກຄາມທີ່ຮ້າຍແຮງທີ່ສຸດຕໍ່ຄວາມໝັ້ນຄົງຂອງຊາດ, ເສດຖະກິດ ແລະ ສັງຄົມໃນທົ່ວໂລກ...