ປະເທດມາເລເຊຍ ຄົ້ນພົບວັດ ອາຍຸ 1,200 ປີ ໃນເຂດບູກິດໂຊຮາດ ລັດເຄດະ ເຊື່ອກັນວ່າມີອາຍຸຫຼາຍກວ່າ 1,200 ປີ ຕາມການກວດສອບ ຈາກການຖະແຫຼງຂອງກົມມໍລະດົກແຫ່ງຊາດ ແລະ ສູນຄົ້ນຄວ້າໂບຮານຄະດີທົ່ວໂລກ (GARC) ຂອງມະຫາວິທະຍາໄລໃນມາເລເຊຍ ໃນວັນທີ 22 ກັນຍາ 2023 ຜ່ານມາ. 
ນອກຈາກນັ້ນ, ຍັງໄດ້ຄົ້ນພົບຮູບປັ້ນຄ້າຍຄືສອງອົງທີ່ໄດ້ຮັບການຮັກສາໄວ້ຢ່າງດີທີ່ເຮັດຈາກປູນ (ປູນພາສເຕີຊະນິດໜຶ່ງໃນສະໄໝນັ້ນ) ໄດ້ຄົ້ນພົບສະຖາປັດຕະຍະກໍາທີ່ຄ້າຍກັບບູຮານວັດຖຸຂອງອານາຈັກ ສີວິໄຊ ທີ່ຄົ້ນພົບໃນເກາະຊູມາຕຣາ ແລະ ຊະວາ ຕາເວັນຕົກ ໃນປະເທດ ອິນໂດເນເຊຍ.
ຮູບປັ້ນຍັງມີຄວາມສົມບູນ, ສ່ວນໂຄງສ້າງຍັງຄົງຮັກສາຮູບຮ່າງຂອງມັນ ນອກຈາກນັ້ນ, ຍັງພົບເຫັນເຄື່ອງປັ້ນດິນເຜົາ ແລະ ທີມງານຍັງໄດ້ຄົ້ນພົບແຜ່ນຈາລຶກເປົາລະວະ ແລະ ເສດເຄື່ອງປັ້ນດິນເຜົາ ເຊິ່ງເຊື່ອກັນວ່າສະຖານທີ່ແຫ່ງນີ້ສ້າງຂຶ້ນໃນລະຫວ່າງສະຕະວັດທີ 8 ແລະ 9 ເຊິ່ງເປັນຊ່ວງດຽວກັນກັບສະໄໝ ບູຈັງ ແລະ ສີວິໄຊ.
ທີ່ມາ: Universiti Sains Malaysia