ເຫດຄາຕະກຳແມ່ເສຍຊີວິດຄາທີ່ ໃນຂະນະທີ່ກຳລັງພາລູກສາວອອກຫາກິນ

0
11875

ເຫດສອງແມ່ລູກຖືກທຳຮ້າຍ ຈົນຜູ້ເປັນແມ່ເສຍຊີວິດ ແລະ ລູກສາວໄດ້ຮັບບາດເຈັບສາຫັດ ຈົນເກືອບເອົາຊີວິດບໍ່ລອດ.

ອີງຕາມການໃຫ້ຂໍ້ມູນຂອງພີ່ນ້ອງຜູ້ເສຍຊີວິດ ໄດ້ໃຫ້ຮູ້ວ່າ: ໃນວັນທີ 24 ກັນຍາ 2023 ທີ່ຜ່ານມາ ໄດ້ເກີດເຫດສອງແມ່ລູກຖືກທຳຮ້າຍທີ່ ບ້ານໜອງເຂືອງໃຫຍ່ ເມືອງປາກຊ່ອງ ແຂວງຈຳປາສັກ ໂດຍຜູ້ເປັນແມ່ຊື່ ໄພ ແລະ ລູກສາວ ອາຍຸ 8 ປີ ຊື່ ລິຕາ.

ໃນມື້ເກີດເຫດ ສອງແມ່ລູກໄດ້ພາກັນອອກໄປສວນເພື່ອຫາກິນຕາມປົກກະຕິ ໃນຂະນະທີ່ຢູ່ສວນນັ້ນ ກໍໄດ້ມີຄົນບໍ່ດີເຂົ້າມາທຳລາຍຮ່າງກາຍຈົນເຮັດໃຫ້ຜູ້ເປັນແມ່ໄດ້ເສຍຊີວິດຄາທີ່ ແລະ ສ່ວນລູກສາວໄດ້ຮັບບາດເຈັບສາຫັດ.

ຕອນນີ້ແມ່ນໄດ້ນຳສົ່ງລູກສາວ ເຂົ້າໂຮງໝໍແຂວງຈຳປາສັກເປັນທີ່ຮຽບຮ້ອຍ.

ຖ້າມີລາຍລະອຽດເພີ່ມເຕີມ ຈະມາລາຍງານຕື່ມໃນພາຍຫຼັງ.