ກ່ອນການສູນພັນຄັ້ງໃຫຍ່ທີ່ສຸດໃນປະຫວັດສາດ ທີ່ທຳລາຍສັດເຖິງ 86% ທົ່ວໂລກ ມີກຸ່ມໄດໂນເຊຟາລຽນ (Dinocephalians) ເປັນສັດເລືອຄານ ທີ່ຄ້າຍຄືກັບສັດລ້ຽງລູກດ້ວຍນ້ຳນົມ ເປັນໜຶ່ງໃນກຸ່ມຫຼັກຂອງສັດບົກ ທີ່ຈະເລີນຢ່າງກວ້າງຂວາງເທິງບົກ ພວກມັນມີຂະໜາດກາງເຖິງຂະໜາດໃຫຍ່ ມີທັງປະເພດກິນຊີ້ນ ແລະ ກິນພືດເປັນອາຫານ ໂດຍໄດໂນເຊຟາລຽນມີກະໂຫຼກໜາ ສັດເຫຼົ່ານີ້ເປັນທີ່ຮູ້ຈັກໃນອາຟຣິກາໃຕ້ ແລະ ຣັດເຊຍ ແຕ່ຫາຍາກໃນສ່ວນອື່ນໆຂອງໂລກ.
ຫຼ້າສຸດ ມີການວິໄຈຊາກຟອດຊິວ ຊື່ Pampa phoneus biccai ອາຍຸ 265 ລ້ານປີ ທີ່ຂຸດພົບໃນເຂດຊົນນະບົດ ທາງຕອນໃຕ້ຂອງປະເທດບຣາຊິນ ໂດຍມີກະໂຫຼກທີ່ສົມບູນ ກະດູກຂ້າງ ກະດູກແຂນ ຖືກລະບຸວ່າຢູ່ໃນກຸ່ມໄດໂນເຊຟາລຽນ.
ເຊິ່ງຊາກຂອງ Pampaphoneus biccai ໂຕນີ້ ນັບເປັນໂຕທີ 2 ທີ່ເຄີຍຄົ້ນພົບຈາກອາເມຣິກາໃຕ້ ມັນມີຂະໜາດໃຫຍ່ກວ່າຊາກທຳອິດ ແລະ ການຄົ້ນພົບນີ້ຖືອັນສຳຄັນໃນການໃຫ້ຂໍ້ມູນກ່ຽວກັບໂຄງສ້າງຊຸມຊົນຂອງລະບົບນິເວດເທິງບົກ ກ່ອນທີ່ຈະເກີດການສູນພັນຄັ້ງໃຫຍ່ທີ່ສຸດ.
ຜູ້ຊ່ຽວຊານລະບຸວ່າ 40 ລ້ານປີກ່ອນ Pampaphoneus biccai ເຄີຍຄອງດິນແດນອາເມຣິກາໃຕ້ ໃນຖານະນັກລ່າທີ່ໃຫຍ່ທີ່ສຸດ.
ທີ່ມາ scitechdaily