ຄູ່ຮັກໃນອິນໂດເນເຊຍ ຈັດຊຸດພຸໄຟ ເພື່ອໃຊ້ໃນການຖ່າຍຮູບພຣີເວດດິ້ງ ຈົນເຮັດໃຫ້ໄຟໄໝ້ໃນອຸທະຍານແຫ່ງຊາດເປັນຮ້ອຍໄຮ່.
ໃນວັນທີ 6 ກັນຍາ 2023 ຄູ່ຮັກຄູ່ນີ້ໄດ້ໄປຖ່າຍຮູບພຣີເວດດິ້ງ ທີ່ບູກິດ ເທເລທັບບີ (Bukit Teletubbies) ເຊິ່ງເປັນຈຸດຖ່າຍຮູບທີ່ຄົນນິຍົມໄປຖ່າຍ ໃນເຂດອຸທິຍານແຫ່ງຊາດ ໂບຣໂມເທງເກີເມຣູ (Bromo Tengger Semeru) ໃນແຂວງຊະວາ ຂອງປະເທດອິນໂດເນເຊຍ.
ເມື່ອທັງສອງໃຊ້ພຸໄຟ ເພື່ອຫວັງໃຫ້ຮູບອອກມາງາມ ແຕ່ສິ່ງບໍ່ຄາດຄິດກໍ່ເກີດຂຶ້ນໄຟໄໝ້ທົ່ງຫຍ້າ ລາມໄປເປັນໄຟໄໝ້ປ່າທຳລາຍປ່າກວ່າ 300 ໄຮ່ ພາຍໃນ 5 ມື້.
ຈາກເຫດດັ່ງກ່າວ ເຮັດໃຫ້ອຸທິຍານແຫ່ງຊາດປະກາດປິດຢ່າງບໍ່ມີກຳນົດ ເພື່ອອຳນວບຄວາມສະດວກໃຫ້ເຈົ້າໜ້າທີ່ໃນການດັບໄຟ ແລະ ເພື່ອຄວາມປອດໄພຂອງປະຊາຊົນ.
ໃນເບື້ອງຕົ້ນ ເຈົ້າໜ້າທີ່ໄດ້ຈັບຕົວເອົາຜູ້ກ່ຽວຂ້ອງ 6 ຄົນ ໂດຍໃຫ້ຜູ້ຈັດການບໍລິສັດທີ່ໃຫ້ບໍລິການຖ່ານຮູບພຣີເວດດິ້ງເປັນຜູ້ຖືກສົງໄສ ເຊິ່ງອາດຮັບໂທດຈຳຄຸກສູງສຸດ 5 ປີ ແລະ ປັບໃໝ 1.500 ລ້ານຣູເປຍ ຫຼື 1.948 ລ້ານກີບ ສ່ວນອີກ 5 ຄົນທີ່ເຫຼືອຍັງຢູ່ໃນສະຖານະພະຍານ.
ສຳລັບນັກທ່ອງທ່ຽວທີ່ຊື້ປີ້ທ່ອງທ່ຽວພູເຂົາໄຟໂບຣໂມ ໃນທາງອອນລາຍແລ້ວ ສາມາດແຈ້ງປ່ຽນກຳນົດໄດ້.