ຫຼ້າສຸດ ໃນວັນທີ 14 ກັນຍາ ພົບນັກທ່ອງທ່ຽວຢ່າງໜ້ອຍ 141 ຄົນ ມີອາການ ອາຫານເປັນຜິດ ພາຍຫຼັງທີ່ກິນເຂົ້າຈີ່ຈາກຮ້ານດັງໃນເມືອງຮອຍອັນ ປະເທດຫວຽດນາມ.
ໃນຈຳນວນ 141 ຄົນ ໃນນັ້ນມີ 33 ຄົນ ທີ່ເປັນຄົນຕ່າງປະເທດ ແລະ ແຕ່ລະຄົນ ໄດ້ກະຈາຍເຂົ້າໂຮງໝໍແຕ່ບ່ອນໃນຮອຍອັນ
ທາງຄົນເຈັບໄດ້ກ່າວວ່າ ພວກເຂົາຊື້ເຂົ້າຈີ່ປາເຕ້ຈາກຮ້ານຂາຍເຂົ້າຈີ່ Phuong ຢູ່ຖະໜົນ Phan Chu Trinh ໃນວັນຈັນ ເຊິ່ງຄົນທຳອິດທີ່ມີອາການອາຫານເປັນຜິດໃນເວລາ 11:00 ໂມງຂອງມື້ດຽວກັນ.
ໃນວັນອັງຄານ ກົມຄວາມປອດໄພ ແລະ ສຸຂະອະນາໄມ ໄດ້ກວດສອບຮ້ານຂາຍເຂົ້າຈີ່ດັ່ງກ່າວ ແລະ ນຳເອົາຕົວຢ່າງອາຫານ ນຳສົ່ງໄປເພື່ອກວດສອບ ແລະ ໃນວັນທີ 13 ກັນຍາ ກໍໄດ້ປິດຮ້ານດັ່ງກ່າວຊົ່ວຄາວ.
ຕາມການໃຫ້ຂໍ້ມູນຂອງຮ້ານ Phuong ໄດ້ຮູ້ວ່າ: ໃນວັນທີ 11 ກັນຍາ ໄດ້ຂາຍເຂົ້າຈີ່ທັງໝົດ 1.920 ກ້ອນ ແລະ ໃນວັນທີ 12 ກັນຍາ ຂາຍໄດ້ 1.700 ກ້ອນ.
ທັ້ງນີ້ ຮ້ານ Phuong ເປັນຮ້ານຂາຍເຂົ້າຈີ່ຊື່ດັງໃນເມືອງຮອຍອັນ ທີ່ຂາຍມາແລ້ວ 30 ກວ່າປີ ບໍ່ມີພຽງແຕ່ຄົນໃນທ້ອງຖິ່ນທີ່ເຂົາມາຊື້ ຍັງມີນັກທ່ອງທ່ຽວທັງພາຍໃນ ແລະ ຕ່າງປະເທດ ທີ່ມາຊິມອາຫານ ແລະ ຍັງຕ້ອງໄດ້ຕໍ່ຄິວດົນເພື່ອທີ່ຈະຊື້ເຂົ້າຈີ່.
ແຫຼ່ງຂ່າວ Vietnam Post