ເຂື່ອນແຕກ 2 ຈຸດໃນປະເທດລິເບຍ ເສຍຊີວິດແລ້ວ 5.000 ຄົນ

0
785

ພາກຕາເວັນອອກຂອງລິເບຍ ປະເຊີນກັບນ້ຳຖ້ວມໜັກຈົນເຂື່ອນແຕກຢູ່ 2 ຈຸດ ເຮັດໃຫ້ມີຜູ້ເສຍຊີວິດແລ້ວ 5.000 ຄົນ ແລະ ມີຜູ້ສູນຫາຍອີກເປັນໝື່ນຄົນ.

ເຫດເກີດໃນວັນທີ 10 ກັນຍາ ທີ່ຜ່ານມາ ທີ່ເມືອງເດີນາ ແລະ ເມືອງອື່ນໆຂອງລິເບຍ ໄດ້ມີພາຍຸພັດເຂົ້າມາ ຝົນຕົກໜັກ ຕໍ່ມາປະຊາຊົນກໍໄດ້ຍິນສຽງດັງແຮງໆຄ້າຍຄືລະເບີດຂະໜາດໃຫຍ່ ແລະ ຕະໜັກວ່າເຂື່ອນຢູ່ນອກເມືອງໄດ້ແຕກ ແລ້ວປ່ອຍຄື້ນນ້ຳຂະໜາດຍັກພັດເຂົ້າມາ ຖືເປັນນ້ຳຖ້ວມທີ່ຮຸນແຮງທີ່ສຸດ.

ຫຼ້າສຸດ ໃນວັນທີ 12 ກັນຍາ ໄດ້ມີລາຍງານວ່າ ຈຳນວນຜູ້ສູນຫາຍໃນເຫດນ້ຳຖ້ວມທີ່ປະເທດລິເບຍ ມີຫຼາຍກວ່າ 10.000 ຄົນ ແລະ ຜູ້ເສຍຊີວິດເພີ່ມຂຶ້ນຢ່າງໜ້ອຍ 5.300 ຄົນ, ເນື່ອງຈາກຫຼາຍສະຖານທີ່ຖືກນ້ຳຖ້ວມບໍ່ສາມາດປະຕິບັດການໄດ້ ແລະ ໂຮງເກັບສົບກໍເຕັມແລ້ວ ຈົນເຮັດໃຫ້ຜູ້ເສຍຊີວິດຖືກຖິ້ມໄວ້ໜ້າອາຄານເກັບສົບ.

ແຫຼ່ງຂ່າວ ຣອຍເຕີ