ໃນວັນທີ 2 ກັນຍາ 2023 ຜ່ານມາ, ເກີດເຫດສະຫຼົດ, ເມື່ອພໍ່ລ້ຽງດ່ຽວ ເຮັດວຽກເປັນຄົນສົ່ງອາຫານເສຍຊີວິດຄາບ້ານພັກຢູ່ພາຍໃນຈັງຫວັດຊຽງໃໝ່ ໂດຍສົບຜູ້ເສຍຊີວິດຄາດວ່າບໍ່ຕ່ຳກວ່າ 3 ມື້ແລ້ວ, ລູກສາວນອນເຝົ້າ ໂດຍຄິດວ່າພໍ່ຍັງນອນບໍ່ຕື່ນ ຈົນເພື່ອນບ້ານໄດ້ກິ່ນເໜົ່າເໝັນ ແລະ ແຈ້ງໃຫ້ເຈົ້ານ້າທີ່ຕຳຫຼວດລົງກວດສອບ.
ຈາກການກວດສອບຂອງເຈົ້າໜ້າທີ່ໄດ້ລະບຸວ່າ: ສະຖານທີ່ເກີດເຫດເປັນບ້ານຊັ້ນດຽວ ເຊິ່ງພາຍໃນບ້ານພົບຮ່າງຜູ້ເສຍຊີວິດ ນອນຄວ້ຳໜ້າ ແລະ ສົ່ງກິ່ນເໜົ່າເໝັນຕາມຮ່າງກາຍບໍ່ພົບຮ່ອງຮອຍບາດແຜ ຄາດວ່າໜ້າຈະເສຍຊີວິດແລ້ວບໍ່ຕ່ຳກວ່າ 3 ມື້ ພາຍຫຼັງໄດ້ຮູ້ຊື່ຜູ້ເສຍຊີວິດ ທ້າວ ອາພິຊາດ ແຊ່ອ່ອງ ອາຍຸ 41 ປີ ມີອາຊີບເປັນຄົນສົ່ງອາຫານ.
ສ່ວນສາເຫດຂອງການເສຍຊີວິດນັ້ນ, ເຈົ້າໜ້າທີ່ຄາດວ່າຜູ້ເສຍຊີວິດອາດຈະເປັນລົມໝົດສະຕິ ຫຼື ໂຮກປະຈຳຕົວ ໂດຍເຈົ້າໜ້າທີ່ໄດ້ເກັບຫຼັກຖານຢູ່ທີ່ເກີດເຫດ ແລະ ໄດ້ນຳສົບຜູ້ເສຍຊີວິດໄປສົ່ງໂຮງມໍ່ ເພື່ອກວດກາພິສູດຫາສາເຫດຂອງການເສຍຊີວິດທີ່ແທ້ຈິງຕໍ່ໄປ.
ທີ່ມາ: MGR ONLINE