ແມ່ຕູ້ ຄົນລາວທີ່ໄປອາໄສຢູ່ອາເມຣິກາ ໄດ້ເສຍຊີວິດພາຍຫຼັງຖືກໝາກັດແຖວບ້ານໃນຕອນສວຍຂອງວັນພະຫັດທີ່ຜ່ານມາ.
ແມ່ຕູ້ ຈັນທີ ພິລາວົງ ອາຍຸ 93 ປີ ເປັນຄົນລາວທີ່ໄປອາໄສຢຸ່ອາເມຣິກາ ໄດ້ອາໄສຢູ່ເມືອງໂອເດສໂຕ ລັດຄາລິຟໍເນຍ ສະຫະລັດອາເມລິກາ ຖືກໜາຂອງເພື່ອນບ້ານທຳຮ້າຍ ແລະ ໄດ້ຮັບບາດເຈັບສາຫັດ ແຕ່ກໍເສຍຊີວິດໃນເວລາຕໍ່ມາ ເຫດການດັ່ງກ່າວໄດ້ເກີດຂຶ້ນໃນເວລາ 14:00 ໂມງຂອງວັນທີ 31 ສິງຫາ 2023 ຈາກກ້ອງວົງຈອນປິດບັນຖຶກພາບ ແມ່ຕູ້ຖືກໝາຂະໜາດໃຫຍ່ 2 ໂຕທຳຮ້າຍ ທີ່ບໍລິເວນເຮືອນຂອງລາວ.
Jeniece ເພື່ອນບ້ານໄດ້ກ່າວວ່າ ລາວເຫັນໝາ 2 ໂຕ ໜີອອກມາຈາກສວນຫຼັງບ້ານຂອງແມ່ຕູ້ຈັນທີ ຕໍ່ມາກໍບໍ່ເຫັນໝາທີ່ລະບຽງໜ້າບ້ານຂອງແມ່ຕູ້ ແຕ່ໄດ້ຍິນສຽງຮ້ອງຂອງແມ່ຕູ້ຈັນທີທີ່ຖືກໝາເຂົາກັດ.
ໂດຍ Jeniece ກໍບອກວ່າ: ລາວໄດ້ຮີບຈັບເກີບ ແລະ ກະຖັງຕົ້ນໄມ້ທີ່ຢູ່ໃກ້ຕົນເອງ ເພື່ອຈະດຶກໃສ່ໝາ ແລະ ລະວັງບໍ່ໃຫ້ຖືກແມ່ຕູ້.
ໃນຊ່ວງທີ່ໝາໄດ້ກັດແລ້ວ ຫຼານຊາຍຂອງແມ່ຕູ້ ແລະ Jeniece ກໍຮີບແລ່ນໄປເອົາແມ່ຕູ້ອອກມາ ເພື່ອຮີບສົ່ງໂຮງໝໍດ້ວຍອາການບາດເຈັບສາຫັດ ໃນຕອນທຳອິດແມ່ຕູ້ມີອາການດີຂຶ້ນແລ້ວ ແຕ່ລາວກໍທົນບໍ່ໄຫວກັບຄວາມບາດເຈັບ ແລ້ວເສຍຊີວິດໃນຕອນເຊົ້າຂອງມື້ຕໍ່ມາ.
ຜູ້ຖືກກ່າວຫາວ່າເປັນເຈົ້າຂອງໝາ ໄດ້ບອກວ່າ ບໍ່ຢາກເວົ້າຫຍັງທີ່ກ່ຽວກັບເຫດນີ້ ແລະ ປະຕິເສດວ່າພວກເຂົາບໍ່ໄດ້ລ້ຽງໝາ, ນອກນີ້ ຍັງມີຄົນບອກວ່າພວກເຂົາບໍ່ໄດ້ຢູ່ເຮືອນໃນຕອນເກີດເຫດ.
ປັດຈຸບັນທາງເຈົ້າໜ້າທີ່ກຳລັງສືບສວນຂອງເຫດດັ່ງກ່າວ ແລະ ຍັງບໍ່ມີການລາຍງານວ່າເຈົ້າຂອງໝາຈະຖືກໃນຂໍ້ຫາໃດ.
ແຫຼ່ງຂ່າວ cbsnews