ອີງຕາມສຳນັກຂ່າວຮອບຕີ ລາຍງານໃນວັນທີ 31 ສິງຫາຜ່ານມານີ້ວ່າ: ທ່ານ ຟູມິໂອະ ຄິຊິດະ ນາຍົກລັດຖະມົນຕີຍີ່ປຸ່ນ ໄດ້ເຊີນບັນດາລັດຖະມົນຕີປະກອບດ້ວຍ: ທ່ານ ຍາສຸໂຕຊິ ນິຊິມູລະ ລັດຖະມົນຕີກະຊວງເສດຖະກິດ, ທ່ານ ມາຊາໂນບຸ ໂອກຸລະ ລັດຖະມົນຕີຮັບຜິດຊອບດູແລນະໂຍບານເດັກນ້ອຍ ແລະ ທ່ານ ຊຸນອິຈິ ຊູຊູກິ ລັດຖະມົນຕີກະຊວງການເງິນ ໄປທີ່ສຳນັກງານນາຍົກລັັດຖະມົນຕີເພື່ອຮ່ວມຮັບປະທານອາຫານ ທີ່ເປັນປາກະພົງຂາວດິບ (ຊາຊິມິ) ແລະ ປາມຶກໃຫຍ່ທີ່ຈັບໄດ້ຢູ່ແມ່ນ້ຳໃກ້ໆ ເພື່ອສ້າງຄວາມໝັ້ນໃຈວ່າອາຫານທະເລນີ້ຮັບປະທານໄດ້ ແລະ ປອດໄພ ເນື່ອງຈາກເປັນພຶ້ນດັ່ງກ່າວເປັນພຶ້ນທີ່ທີ່ປ່ອຍນ້ຳຈາກໂຮງງານໄຟຟ້ານິເຄຼຍ ຟຸກຸຊິມະ ເຊິ່ງຈີນໄດ້ສັ່ງຫ້າມນຳເຂົ້າອາຫານຈາກຍີ່ປຸ່ນທັງໝົດ.
ກ່ອນໜ້ານີ້ເຈົ້າໜ້າທີ່ກະຊວງສິ່ງແວດລ້ອມຂອງຍີ່ປຸ່ນເອງອອກມາຢັ້ງຢືນວ່າ: ຈາກການກວດສອບນ້ຳທະເລໃກ້ກັບໂຮງງານໄຟຟ້ານິວເຄຼຍ ຟຸກຸຊິມະ ບໍ່ພົບສານລັງສີ, ສຳລັບຍີ່ປຸ່ນໄດ້ເລີ່ມປ່ອຍນ້ຳຈາກໂຮງງານໄຟຟ້າດັ່ງກ່າວເມື່ອອາທິດກ່ອນ ເພື່ອເປັນການຫື້ຖອນໂຮງງານໄຟຟ້າ ທີ່ໄດ້ຮັບຄວາມເສຍຫາຍຈາກຄື້ນຍັກສຶນາມິ ເມື່ອປີ 2011 ແລະ ຖືເປັນໄພພິບັດດ້ານນິວເຄຼຍທີ່ຮ້າຍແຮງທີ່ສຸດໃນໂລກ ນັບແຕ່ເກີດໄພພິບັດທີ່ເຊີໂນບິວໃນປີ 1986.
ທີ່ມາ: ໄທລັດ