ໃນເວລາ 05:00 ນາທີ ຂອງວັນທີ 30/08/2023 ໄດ້ຮັບແຈ້ງເຫດຈາກ ປກສ ເມືອງອາດສະພັງທອງວ່າ: ມີເຫດການຄົນເສຍຊີວິດ(ຄາດຕະກຳ) ດັ່ງນັ້ນທາງເຈົ້າໜ້າທີ່ວິຊາສະເພາະພວກເຮົາພ້ອມດ້ວຍພາກສ່ວນທີ່ກ່ຽວຂ້ອງໄດ້ສົມທົບກັນລົງສະຖານທີ່ເກີດເຫດຕົວຈິງຈຶ່ງຮູ້ວ່າ: ບ່ອນເກີດເຫດແມ່ນຢູ່ສວນປູກໄມ້ວິກຂອງບໍລິສັດຊັນເປເປີ້ຂອບເຂດ ບ້ານນາແຜກ ເມືອງອາດສະພັງທອງ ແຂວງສະຫວັນນະເຂດ.

ຊາບຊື່ພາຍຫຼັງຜູ້ເສຍຊີວິດ ຊື່ນາງພາບ ອາຍຸ17ປີ,ອາຊີບເຮັດນາ ບ້ານນາແຜກ ເມືອງອາດສະພັງທອງ ແຂວງສະຫວັນນະເຂດ ກັກຕົວຜູ້ກໍ່ເຫດໄດ້ຊື່ທ້າວ ໃສ ອາຍຸ 35ປີ,ອາຊີບເຮັດນາ (ເຂີຍສູ່)ບ້ານເກີດນາພອກ ເມືອງທ່າແຂກ ແຂວງຄຳມ່ວນ ບ້ານຢູ່ປະຈຸບັນນາແຜກ ເມືອງອາດສະພັງທອງ ແຂວງສະຫວັນນະເຂດ ໄດ້ຮັບສະພາບວ່າ: ຕົນແມ່ນມີແນວຄິດຢາກມີເພດສຳພັນກັບ ນາງພາບ (ຜູ້ເສຍຊີວິດ) ຈຶ່ງໃຊ້ເລ່ລ່ຽມກົນອຸບາຍດ້ວຍການໃຊ້ວິທີຕົວະຜູ້ເສຍຊີວິດຄື:ໃນເວລາ 20:00 ນາທີ ຂອງວັນທີ 29/08/2023 ຜູ້ກ່ຽວແມ່ນໄດ້ຍ່າງມາແຕ່ນາເພື່ອເຂົ້າມາບ້ານນາແຜກຈຸດປະສົງໂດຍແມ່ນຈະໄປຫາ ນາງພາບ(ຜູ້ເສຍຊີວິດ)ເພື່ອຈະມາຕົວະວ່າແມ່ບໍ່ສະບາຍຜີປອບເຂົ້າຢູ່ນາແລ້ວໃຫ້ຜູ້ເສຍຊີວິດໄປຊື້ທຽນເພື່ອໄປທຳພິທີເປົ່າໄລ່ຜີປອບ ແລະ ອອກໄປເມືອນາພ້ອມກັບຕົນຫຼັງຈາກນັ້ນຜູ້ເສຍຊີວິດກໍ່ຫຼົງເຊື່ອແລ້ວຍ່າງອອກມານານຳຜູ້ກ່ຽວພໍມາຮອດຂອບເຂດສວນປູກໄມ້ວິກຜູ້ກ່ຽວຈຶ່ງໃຊ້ມືກອດແອວນາງພາບ(ຜູ້ເສຍຊີວິດ)ຈຶ່ງແລ່ນປົບແລ້ວຜູ້ກ່ຽວຈຶ່ງໄດ້ໄລ່ນຳແລ້ວເກີດມີການຂັດຂືນກັນ ພໍດີຢູ່ບໍລິເວນດັ່ງກ່າວແມ່ນມີຄອງນໍ້າແລ້ວຜູ້ກ່ຽວຈຶ່ງໃຊ້ມືຈັບຜົມຍິກຫົວຂອງນາງພາບ(ຜູ້ເສຍຊີວິດ) ລົງຄອງນໍ້າເຮັດໃຫ້ຂາດອາກາດຫາຍໃຈເສຍຊີວິດຄາທີ່ ດັ່ງນັ້ນ ຈຶ່ງມອບຕົວຜູ້ກ່ຽວ ໃຫ້ເຈົ້າໜ້າທີ່ ປກສ ເມືອງອາດສະພັງທອງອອກນິຕິກຳດຳເນີນຕາມຂັ້ນຕອນຂອງກົດໝາຍຕໍ່ໄປ