spot_img
Homeຂ່າວຕ່າງປະເທດພໍ່ແມ່ໃຈມານ! ຂາຍລູກນ້ອຍອາຍຸ 8 ເດືອນເພື່ອແລກກັບໄອໂຟນ

ພໍ່ແມ່ໃຈມານ! ຂາຍລູກນ້ອຍອາຍຸ 8 ເດືອນເພື່ອແລກກັບໄອໂຟນ

Published on

ເກີດເຫດການສະເທືອນໃຈຂຶ້ນໃນເຂດ North 24 Parganas ລັດເບັງກໍຕາເວັນຕົກ ຂອງປະເທດອິນເດຍ ເມື່ອມີພໍ່-ແມ່ ຄູ່ໜຶ່ງ ພະຍາຍາມຂາຍລູກນ້ອຍ 8 ເດືອນ ເພື່ອແລກກັບເງິນໄປຊື້ໂທລະສັບໄອໂຟນ 14 ເນື່ອງຈາກທັງຄູ່ຕ້ອງການໂດ່ງດັງດ້ວຍການຖ່າຍຄລິບວີດີໂອ Reels ໃນອິນສະຕຣາແກຣມ.

ເລື່ອງດັ່ງກ່າວກາຍເປັນປະເດັນຂຶ້ນມາຍ້ອນເພື່ອບ້ານສັງເກດເຫັນພຶດຕິກຳທີ່ຜິດປົກກະຕິຂອງຄອບຄົວນີ້ຫຼັງເຫັນວ່າເດັກນ້ອຍໄດ້ຫາຍໂຕໄປຫຼາຍມື້ ແຕ່ວ່າຜູ້ເປັນພໍ່ແມ່ຂອງເດັກບໍ່ໄດ້ມີຄວາມຕື່ນຕົກໃຈຫຍັງ ແຖມຍັງມີໂທລລະສັບໄອໂຟນ 14 ເຄື່ອງໃໝ່ທັງທີປົກກະຕິແລ້ວບ້ານນີ້ມີບັນຫາເລື່ອງເງິນຢ່າງນັກ.

ເຈົ້າໜ້າທີ່ໄດ້ລະບຸວ່າ: ພໍ່ຊື່ວ່າ: ເຈເດັບ ແລະ ຜູ້ເປັນແມ່ຊື່ວ່າ ສະຕີ ຫຼັງຈາກທີ່ຄວບຄຸມຕົວຜູ້ເປັນແມ່ໄດ້ຮັບສາລະພາບວ່າ: ນາງກັບຜົວໄດ້ເລາະຂາຍລູກເພື່ອຫາເງິນຊື້ໂທລະສັບໄອໂຟນ 14 ເນື່ອງຈາກຕ້ອງການນຳມາໃຊ້ຖ່າຍວີດີໂອ Reels ໂພສລົງໃນອິນສຕຣາແກຣມເຊິ່ງເປັນກະແສໃນສື່ສັງຄົມອອນລາຍ.

ນອກຈາກນີ້ຍັງມີການເປີດເຜີຍອີກວ່າ: ກ່ອນທີ່ພວກເຂົາຈະຂາຍລູກນ້ອຍອາຍຸ 8 ເດືອນ ພໍ່ກັບແມ່ຄູ່່ນີ້ພະຍາຍາມຈະຂາຍລູກສາວອາຍຸ 7 ປີຂອງໂຕເອງດ້ວຍ, ທັງນີ້ຍັງບໍ່ແມ່ນເຫດການຄັ້ງທຳອິດທີ່ໄດ້ມີການຂາຍລູກຕົນເອງ ເພາະກ່ອນໜ້ານີ້ໃນປີ2016 ມີຄູ່ຜົວເມຍຊາວຈີນຂາຍລູກສາວຕົນເອງອາຍຸ 18 ປີໃນລາຄາ 3,530 ໂດລາສະຫາລັດເພື່ອແລກກັບການຊື້ໂທລະສັບໄອໂຟນເຊັ່ນດຽວກັນ.

ບົດຄວາມຫຼ້າສຸດ

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...