ອີງຕາມເພຈເຟສບຸກ World Forum ລາຍງານໃນວັນທີ 29 ສິງກາ 2023 ຜ່ານມານີ້ວ່າ: ຊາຍຊາວຈີນ ຈາກເມືອງຫາງໂຈອາຍຸ 52 ປີ ຖືກໜວດກຸ້ງປັກມື ຈຶ່ງເປັນສາເຫດເຮັດໃຫ້ຊາຍຄົນດັ່ງກ່າວເສຍຊີວິດ.
ຕາມການລາຍງານໄດ້ລະບຸວ່າ: ຊາຍຄົນດັ່ງກ່າວຢາກກິນກຸ້ງ ແລະ ພຶ້ນທີ່ອ້ອມຮອບບ້ານເປັນທົ່ງນາ ທີ່ເພື່ອນບ້ານລ້ຽງກຸ້ງໄວ້ ເຊິ່ງລາວສາມາດຈັບໄປເຮັດເປັນອາຫານກິນໄດ້, ຂະນະທີ່ລາວຈັບກຸ້ງ ແລະ ລ້າງທຳຄວາມສະອາດໜວດກຸ້ງໄດ້ປັກມື ແຕ່ບໍ່ມີເລືອດ ເປັນຮອຍບາດນ້ອຍໆ ລາວເລີຍບໍ່ສົນໃຈ 3 ມື້ຕໍ່ມານິ້ວມືເລີ່ມຂຽວຊໍ້າ, ໄຂ້ຂຶ້ນ, ໜາວສັ່ນ, ປວດຮາກໝົດຄືນ ແຂນບວມຫຼັງສົ່ງໄປໂຮງໝໍ ອະໄວຍະວະຂອງລາວບໍ່ມີປະຕິກິລິຍາເພາະວ່າລາວເສຍຊີວິດຈາກການຕິດເຊື້ອ.
ຈາກການກວດເລືອດພົບວ່າຜູ້ຊາຍອາຍຸ 52 ປີຕິດເຊື້ອ Aeromonas, ເຊິ່ງແຜ່ລາມຢູ່ໃນນ້ຳຈືດ, ນ້ຳທະເລ, ນ້ຳເສຍແລະດິນ ເປັນເຊື້ອພະຍາດທີ່ກໍ່ໂຣກ, ທ່ານໝໍຄາດວ່າເຊື້ອ Aeromonas ອາດເປັນແມ່ພະຍາດທີ່ມາຈາກກຸ້ງ ໂດຍຜ່ານເຂົ້າສູ່ກະແສເລືອດທາງຮອຍບາດ ແລະ ສະພາບຮ່າງກາຍຂອງແຕ່ລະຄົນມີພູມຕ້ານທານບໍ່ຄືກັນຈຶ່ງເຮັດໃຫ້ຊາຍຄົນດັ່ງກ່າວເສຍຊີວິດ.