ເປັນປະເດັນຢ່າງໜັກໃນສັງຄົມອອນລາຍ ເມື່ອນາງງາມທ່ານໜຶ່ງໄດ້ຂັບລົດຕຳແມ່ມານທີ່ກຳລັງຂັບລົດຜ່ານສີ່ແຍກໄຟແດງ ເຮັດໃຫ້ເລື່ອງດັ່ງກ່າວແຕກອອກເປັນສອງຝ່າຍ.
ໃນວັນທີ 29 ສິງຫາ 2023 ໄດ້ມີການເຜີຍແຜ່ພາບ ແລະ ວິດີໂອເຫດລົດໃຫຍ່ຕຳລົດຈັກ ທີ່ສີ່ແຍກໄຟແດງ ບ້ານສີບຸນເຮືອງ ເມືອງຈັນທະບູລີ ນະຄອນຫຼວງວຽງຈັນ ຕາມໃນພາບນັ້ນສະແດງໃຫ້ເຖິງ ໄຟອຳນາດດັ່ງກ່າວແມ່ນເພ ໃຊ້ງານບໍ່ໄດ້ ຈຶ່ງເຮັດໃຫ້ລົດທີ່ສັນຈອນໄປມາຕ້ອງໄດ້ລະວັງ.
ເລື່ອງທີ່ບໍ່ຄາດຄິດກໍເກີດເຫດຂຶ້ນ ເມື່ອລົດຈັກທີ່ມາແຕ່ເສັ້ນທາງບ້ານສີດຳດວນ ກຳລັງຂັບລົດອອກມາ ໂດຍມີລົດຈັກ ປະມານ 4 ຄັນນຳໜ້າ ໃນນັ້ນກໍແມ່ນແມ່ມານ (ຜູ້ຖືກຕຳ) ຂັບລົດອອກມາ ແຕ່ຂັບໄປຍັງບໍ່ວິດ ໄດ້ມີລົດໃຫຍ່ທີ່ຂັບອອກມາຈາກເສັ້ນທາງກົງສຸນ ດ້ວຍຄວາມໄວ ຕາມພາບກ້ອງວົງຈອນ ເຮັດໃຫ້ລົດໃຫຍ່ຂີ່ມາຕຳກັບລົດຈັກ, ທັ້ງນີ້ ບໍ່ມີລາຍງານວ່າແມ່ມານ (ຜູ້ຖືກຕຳ) ໄດ້ແທ້ງລູກຫຼືບໍ່.
ອີງຕາມຂໍ້ມູນທາງອອນລາຍໄດ້ຮູ້ວ່າ: ແມ່ມານ ຮຽກຮ້ອງໃຫ້ຄູ່ກໍລະນີຮັບຜິດຊອບແປງລົດໃຫ້ ເພາະຕົນກໍທຸກຢາກ ແລະ ກຳລັງຈະເກີດລູກແລ້ວ ມີຄ່າໃຊ້ຈ່າຍຫຼາຍ ແຕ່ຄູ່ກໍລະນີ (ຜູ້ຕຳ) ກໍບໍ່ຍິນຍອມ ຈະຮັບຜິດຊອບຄ່າແປງລົດພຽງ 70% ໂດຍອ້າງວ່າຜູ້ຂັບລົດຈັກ ຂັບລົດຜ່າໄຟແດງປາດໜ້າຕົນເອງ.
ຢ່າງໃດກໍຕາມຝ່າຍຄູ່ກໍລະນີ (ຜູ້ຕຳ) ກໍອອກມາສະແດງຄວາມຄິດເຫັນຜ່ານສັງຄົມອອນລາຍວ່າ: ຢ່າຕັດສິນຄົນເຮົາຝ່າຍດຽວ ໂດຍບໍ່ຟັງເຫດຜົນ ເຫດການນີ້ເກີດເເຕ່ເກັບໂຕກ່ອນປະກວດ ແລະ ຍັງຮູ້ຕື່ມອີກວ່າ ຜູ້ຕຳ ແມ່ນຍອມຮັບຜິດ ແລະ ຈະຮັບຜິດຊອບ ແຕ່ທາງຝ່າຍແມ່ມານ (ຜູ້ຖືກຕຳ) ຕົກລົງກັນບໍ່ໄດ້.
ຢ່າງໃດກໍຕາມ ຢາກໃຫ້ທັງສອງຝ່າຍຊີ້ແຈງປະເດັນເລື່ອງນີ້ ເພື່ອບໍ່ໃຫ້ເຂົ້າໃຈກັນຜິດທັງສອງຝ່າຍ ແລະ ຂໍໃຫ້ເລື່ອງຈົບໂດຍໄວ.