ສຳນັກຂ່າວຕ່າງປະເທດລາຍງານໃນວັນທີ 29 ສິງຫາ 2023 ຜ່ານມາ, ໜ່ວຍງານສ່ວນທ້ອງຖິ່ນເຂດຊາງຊານ ໃນເມືອງຊະວີໂຈ ທາງພາກຕາເວັນອອກຂອງປະເທດຈີນ ໄດ້ປະການຜ່ານວີແຊັດ (WeChat) ເມື່ອອາທິດກ່ອນວ່າ: ຖ້າຫາກຄູ່ຮັກໃດທີ່ແຕ່ງດອງເປັນຄັ້ງທຳອິດ ແລະ ເຈົ້າສາວມີອາຍຸບໍ່ເກີນ 25 ປີ ຈະໄດ້ຮັບຂອງຂວັນແຕ່ງງານເປັນເງິນສົດຈຳນວນ 1000 ຢວນ ຫຼື ປະມານ 3.150.000 ພັນກີບ ເຊິ່ງເປັນສ່ວນໜຶ່ງໃນມາດຕະການການກະຕຸ້ນການແຕ່ງງານ ແລະ ເພີ່ມປະຊາກອນໃນປະເທດ ເນື່ອງຈາກຈີນປະສົບບັນຫາ ອັດຕາການເກີດຫຼຸດລົງຕ່ຳສຸດເມື່ອປີທີ່ຜ່ານມາ.
ບັນຊີວີແຊັດຢ່າງເປັນທາງການຂອງໜ່ວຍງານດັ່ງກ່າວລະບຸວ່າ: ມີຈຸດປະສົງເພື່ອສົ່ງເສີມການແຕ່ງດອງ ແລະ ການກຳເນີດລູກໃນຊ່ວງອາຍຸທີ່ເໝາະສົມ, ນອກຈາກນີ້ຄູ່ແຕ່ງດອງໃໝ່ຍັງຈະໄດ້ເງິນອຸດໜຸນດ້ານອື່ນໆຫາກມີລູກເຊັ່ນ: ຄ່າດູແລເດັກນ້ອຍ ແລະ ເງິນຊ່ວຍເຫຼືອດ້ານການສຶກສາ.
ນັກວິເຄາະຊາວຈີນໄດ້ກ່າວວ່າ: ປັດໄຈຫຼັກທີ່ເຮັດໃຫ້ຈີນປະສົບກັບວິກິດປະຊາກອນ ຄື ບັນຫາຄວາມບໍ່ເທົ່າທຽມກັນທາງເພດ ແລະ ຄ່ານິຍົມໃນສັງຄົມທີ່ຜູ້ຍິງມີໜ້າທີ່ລ້ຽງລູກ ແລະ ດູແລຄອບຄົວເຮັດໃຫ້ຜູ້ຍິງມີລູກຈະຖືກບີບອອກຈາກາກນເຮັດວຍກມາລ້ຽງລູກແທນ ເຊິ່ງຄ່າໃຊ້ຈ່າຍໃນການລ້ຽງລູກກໍມີລາຄາທີ່ສູງ.