ຈີນປະກາດວ່າ ຄົນທີ່ມາຈາກຕ່າງປະເທດແລ້ວເດີນທາງເຂົ້າມາປະເທດຈີນ ຈະບໍ່ມີການກວດຜົນໂຄວິດ-19 ກ່ອນເຂົ້າປະເທດອີກແລ້ວ ຄຳສັ່ງນີ້ຈະມີຜົນຕັ້ງແຕ່ວັນທີ 30 ສິງຫາ 2023 ເປັນຕົ້ນໄປ.
ທ່ານ ຫວັງ ເຫວິນປິນ ໂຄສົກກະຊວງການຕ່າງປະເທດຈີນ ໄດ້ປະກາດໃນວັນທີ 28 ສິງຫາ 2023 ວ່າ ຄົນມາຈາກຕ່າງປະເທດທີ່ເດີນທາງເຂົ້າປະເທດຈີນ ຈະບໍ່ຕ້ອງມີຜົນກວດໂຄວິດ-19 ກ່ອນເຂົ້າປະເທດອີກຕໍ່ໄປ ເຊິ່ງລັດຖະບານໄດ້ປະກາດຄຳສັ່ງໃໝ່ ເພື່ອໃຫ້ມີຜົນບັງຄັບໃຊ້ນັບຕັ້ງແຕ່ ວັນທີ 30 ສິງຫາ 2023 ເປັນຕົ້ນໄປ.
ທັ້ງນີ້ ການທີ່ລັດຖະບານຈີນໄດ້ມີການຍົກເລີກມາດຕະການປ້ອງກັນໂຄວິດ-19 ຖືໄດ້ວ່າເປັນບາດກ້າວທີ່ສຳຄັນຂອງຈີນ ທີ່ຈະຮອງຮັບນັກທ່ອງທ່ຽວເຂົ້າໄປທ່ຽວຈີນໄດ້ງ່າຍຂຶ້ນ ແລະ ເປັນບາດກ້າວອັນສຳຄັນຂອງການຟື້ນຟູເສດຖະກິດພາຍໃນປະເທດອີກຄັ້ງ.
ແຫຼ່ງຂ່າວ china-briefing