ໃຜທີ່ຈະເດີນທາງໄປໄທນັບຕັ້ງແຕ່ ວັນທີ 5 ກັນຍາ ເປັນຕົ້ນໄປ ທຸກຄົນໃນລົດຕ້ອງໃສ່ສາຍຮັດນິລະໄພ.
ໄທອອກກົດໝາຍຄວາມປອດໄພທີ່ກຳນົດໃຫ້ຜູ້ໂດຍສານທຸກບ່ອນນັ່ງຕ້ອງຄາດສາຍຮັດນິລະໄພ ແລະ ການຕິດຕັ້ງບ່ອນນັ່ງສຳລັບເດັກ ເປັນອຸປະກອນທີ່ສຳຄັນທີ່ປະຊາຊົນຕ້ອງເອົາໃຈໃສ່່.
ເຊິ່ງໃນວັນທີ 5 ກັນຍາ 2022 ນີ້ ພ.ຣ.ບ.ຈະລາຈອນທາງບົກ ຂອງໄທ ສະບັບດັ່ງກ່າວ ຈະມີຜົນບັງຄົບໃຊ້ທາງກົດໝາຍແລ້ວ ໃນການຂັບລົດ ຜູ້ຂັບຂີ່ ແລະ ຜູ້ໂດຍສານທຸກບ່ອນນັ່ງຈະຕ້ອງຄາດສາຍຮັດນິລະໄພຢູ່ຕະຫຼອດເວລາທີ່ຢູ່ໃນລົດ.
ແຕ່ຖ້າມີບັນຫາສຸຂະພາບບໍ່ສາມາດຮັດຮ່າງກາຍດ້ວຍສາຍຮັດນິລະໄພໄດ້ ບໍ່ຈຳເປັນຕ້ອງຄາດ ແຕ່ຕ້ອງມີວິທີປ້ອງກັນອັນຕະລາຍໃນກໍລະນີເກີດອຸບັດຕິເຫດ.
ທັ້ງນີ້ ການປັບໄໝ ສຳລັບການບໍ່ຄາດສາຍຮັດນິລະໄພ ຈະຖືກປັບໃໝບໍ່ເກີນ 2.000 ບາດ ຫຼື ປະມານ 1.200.000 ກີບ.
ແຫຼ່ງຂ່າວ Thairath