ໄຊຍະວຸດ ທະນາຄະມານຸສອນ ລັດຖະມົນຕີກະຊວງດິຈິຕອນ ເພື່ອເສດຖະກິດ ແລະ ສັງຄົມ (DES) ພ້ອມດ້ວຍໜ່ວຍງານທີ່ກ່ຽວຂ້ອງ ເຂົ້າຮ່ວມກອງປະຊຸມຫາລືແນວທາງໃນການແກ້ໄຂບັນຫາການຊື້ໂຄສະນາຜ່ານ Facebook ທີ່ຫຼອກລວງປະຊາຊົນໃຫ້ລົງທຶນ ລວມເຖິງການຊັກຊວນໃຫ້ລົງທຶນ ໂດຍແອບອ້າງໃຊ້ຊື່ບໍລິສັດຈົດທະບຽນ ໂດຍບໍ່ໄດ້ຮັບອະນຸຍາດ ເຊິ່ງຢືນຢັນວ່າບໍ່ມີການສະເໜີໃຫ້ລົງທຶນແຕ່ຢ່າງໃດ.
ເຊິ່ງຕອນນີ້ທາງກະຊວງໄດ້ຮຽບຮຽງຫຼັກຖານຈາກຜູ້ກະທຳຜິດໃນ Facebook ເພື່ອສົ່ງສານໃຫ້ມີການປິດ Facebook ພາຍໃນທ້າຍເດືອນສິງຫາປີນີ້ ແລະ ຂໍໃຫ້ສານສັ່ງປິດພາຍໃນ 7 ມື້ ໂດຍການກະທຳຜິດຂອງ Facebook ແມ່ນຮັບການໂຄສະນາຈາກຜູ້ກະທຳຜິດກໍຄືມິດສາຊີບ ໃນການລົງໂຄສະນາ ແລະ ຫຼອກລວງປະຊາຊົນໃຫ້ຫຼົງເຊື່ອໃນການລົງທຶນ ແລະ ຊື້ສິນຄ້າຜ່ານ Facebook ເມື່ອລູກຄ້າຫຼົງເຊື່ອ ແລະ ຊຳລະຄ່າສິນຄ້າແລ້ວ ແຕ່ໄດ້ສິນຄ້າບໍ່ກົງກັບປົກ.
ທີ່ຜ່ານມາ ມີຜູ້ເສຍຫາຍຈຳນວນຫຼາຍກວ່າ 200.000 ຄົນ ຫຼື ປະມານ 95% ຈາກ 300.000 ຄົນ ມີມູນຄ່າຄວາມເສຍຫາຍຫຼາຍກວ່າ 10.000 ລ້ານບາດ.
ລັດຖະມົນຕີກະຊວງດິຈິຕອນ ກ່າວຕື່ມວ່າ: ຖ້າ Facebook ບໍ່ຊ່ວຍເຫຼືອປະເທດໄທ ຖ້າພວກເຂົາຕ້ອງການເຮັດທຸລະກິດໃນໄທກໍຕ້ອງຮັບຜິດຊອບຕໍ່ສັງຄົມ ເຊິ່ງຜ່ານມາກະຊວງກໍໄດ້ບອກ Facebook ຕະຫຼອດແຕ່ກໍຍັງບໍ່ກວດສອບຜູ້ທີ່ມາລົງໂຄສະນາ ເຮັດໃຫ້ປະຊາຊົນໄທໄດ້ຮັບຄວາມເສຍຫາຍຫຼາຍກວ່າ 100.000 ລ້ານບາດ.
ແຫຼ່ງຂ່າວ Thaipost