ສຳນັກຂ່າວຕ່າງປະເທດລາຍງານໃນວັນທີ 22 ສິງຫາ 2023 ນີ້ວ່າ: ທ່ານ ເຊິນ ໂປຮຸຍ ຜູ້ຊ່ວຍກົງສູນຈີນປະຈຳເມືອງຄາຊານ ໃນຣັດເຊຍ ໄດ້ລະບຸວ່າ: ລັດຖະບານທັງສອງປະເທດຢູ່ລະຫວ່າງການພິຈາລະນາຄວາມເປັນໄປໄດ້ທີ່ຈະເປີດຟຣີວີຊ້າທ່ອງທ່ຽວລະຫວ່າງ ຈີນ-ຣັດເຊຍ ໃນອານາຄົດລັງຈາກກ່ອນໜ້ານີ້ໄດ້ເປີດຟຣີວີຊ້າແກ່ນັກທ່ອງທ່ຽວແບບທົວແລ້ວ, ສະນັ້ນການຈະດຳເນີນການໄດ້ກໍຕ້ອງແກ້ບັນຫາໃນເລື່ອງຄວາມໝັ້ນຄົງຂອງສອງປະເທດ.
ທັງນີ້, ລັດຖະບານຈີນ ແລະ ຣັດເຊຍໄດ້ຕົກລົງທີ່ຈະໃຫ້ຟຣີວີຊ້າແກ່ນັກທ່ອງທ່ຽວເປັນກຸ່ມ. ໂດຍມີຕົວເລກຕັ້ງແຕ່ 5 ຫາ 50 ຄົນເມື່ອຕົ້ນເດືອນສິງຫານີ້ ຫຼັງຈາກໄດ້ໂຈະການອອກວີຊ້າໄປທ່ຽວແບບບໍ່ເສຍຄ່າເປັນກຸ່ມໃນປີ 2020 ເນື່ອງຈາກການແຜ່ລະບາດຂອງໄວຣັດ COVID-19, ລັດຖະບານຣັດເຊຍໄດ້ອະນຸຍາດໃຫ້ຄົນຕ່າງປະເທດຈາກ 55 ປະເທດ (ສຳລັບເອີຣົບ, ອາຊີຕາເວັນອອກ ແລະ ອາຊີຕາເວັນອອກສຽງໃຕ້) ຂໍວີຊ້າທ່ອງທ່ຽວເອເລັກໂຕຼນິກຂອງຣັດເຊຍ 16 ວັນ ສ່ວນນັກທ່ອງທ່ຽວຕ່າງປະເທດມາທ່ຽວຣັດເຊຍໃນປີນີ້ 187,000 ຄົນ, ເພີ່ມຂຶ້ນ 130% ເມື່ອທຽບໃສ່ປີ 2022, ແຕ່ຍັງຕ່ຳກວ່າໄລຍະກ່ອນເວລາໂຄວິດ-19 ເຖິງ 16,5 ເທົ່າ.
ທີ່ມາ: ໄທລັດ