ພິທີວາງສີລາເລີກໂຄງການກໍ່ສ້າງ ສະຖານີຄ່ຽນຖ່າຍຂີ້ເຫຍື້ອ ໄດ້ມີຂຶ້ນວັນທີ 28 ພະຈິກ 2014 ຢູ່ໂຄງການດັ່ງກ່າວ
(ບ້ານນາໄຫ ເມືອງໄຊເຊດຖາ ນະຄອນຫຼວງວຽງຈັນ) ໂດຍມີທ່ານ ແກ້ວພິລາວັນ ອາໄພລາດ ຮອງເຈົ້າຄອງນະຄອນ
ຫຼວງ ທ່ານ ໄຮດິຢູກິ ໂອນິຊິ ທີ່ປຶກສາທູດຍີ່ປຸ່ນ ປະຈຳລາວ ພ້ອມພະນັກງານກ່ຽວຂ້ອງ ແລະ ແຂກຖືກເຊີນເຂົ້າຮ່ວມ.
ການກໍ່ສ້າງສະຖານີຄ່ຽນຖ່າຍຂີ້ເຫຍື້ອຢູ່ນະຄອນຫຼວງ ແມ່ນໄດ້ຈັດຕັ້ງປະຕິບັດພາຍໃຕ້ໂຄງການຊ່ວຍເຫຼືອລ້າ ໂຄງ
ການປັບປຸງການຄຸ້ມຄອງຂີ້ເຫຍື້ອໃນຕົວເມືອງທີ່ມີຄວາມຍືນຍົງ ດ້ານສິ່ງແວດລ້ອມ ໂດຍການສະໜັບສະໜູນທຶນ
ຈາກລັດຖະບານຍີ່ປຸ່ນ ບົນພື້ນຖານການແລກປ່ຽນບົດບັນທຶກລະຫວ່າງລັດຖະບານແຫ່ງ ສປປ ລາວ ແລະ ລັດຖະ
ບານປະເທດຍີ່ປຸ່ນ ໃນວັນທີ 4 ມີນາ 2014 ແລະ ຂໍ້ຕົກລົງກ່ຽວກັບການໃຫ້ທຶນຊ່ວຍເຫຼືອລ້າ ລະຫວ່າງອົງການຮ່ວມ
ມືສາກົນແຫ່ງປະເທດຍີ່ປຸ່ນ (ໄຈກາ) ແລະ ລັດຖະບານລາວ ໃນວັນທີ 11 ມີນາ 2014 ລວມມູນຄ່າການຊ່ວຍເຫຼືອທັງ
ໝົດ 1.384 ລ້ານເຢັນ ຫຼື ປະມານ 94.199 ຕື້ກີບ ຈຸດປະສົງຂອງໂຄງການ ເພື່ອປັບປຸງການຄຸ້ມຄອງຂີ້ເຫຍື້ອຢູ່ນະ
ຄອນຫຼວງວຽງຈັນ ຫຼວງພະບາງ ແລະ ໄຊຍະບູລີ ໂດຍຜ່ານການຈັດຊື້ພາຫະນະໃໝ່ ເພື່ອຍົກລະດັບຂີດຄວາມສາ
ມາດໃນການເກັບຂີ້ເຫຍື້ອ ເຄື່ອງກົນຈັກໜັກ ການສ້າງສະຖານີຄ່ຽນຖ່າຍຂີ້ເຫຍື້ອ ເພື່ອຍົກສູງປະສິດທິຜົນຂອງ
ວຽກຢູ່ນະຄອນຫຼວງວຽງຈັນ ແລະ ສະໜັບສະໜູນທາງດ້ານເຕັກນິກວິຊາການ ເພື່ອບັນລຸຄວາມຍືນຍົງທາງດ້ານ
ການດຳເນີນງານ ແລະ ບຳລຸງຮັກສາສະຖານີຄ່ຽນຖ່າຍຂີ້ເຫຍື້ອ ເພື່ອຮອງຮັບປະຊາກອນທີ່ຈະເພີ່ມຂຶ້ນ ແລະ ການ
ເຕີບໂຕຂອງເສດຖະກິດໃນປີ 2020 ອົງການພັດທະນາ ແລະ ບໍລິຫານຕົວເມືອງວຽງຈັນ ໄດ້ບຸກເບີກສະໜາມໂຄງ
ການ ໄດ້ກໍ່ສ້າງເສັ້ນທາງເຂົ້າສູ່ສະໜາມ ສະໜອງລະບົບນ້ຳປະປາ ແລະ ລະບົບໄຟຟ້າໃຫ້ແກ່ສະໜາມໂຄງການ ກ່ອນ
ເລີ່ມຕົ້ນການກໍ່ສ້າງສະຖານີຄ່ຽນຖ່າຍຂີ້ເຫຍື້ອ ໃນເດືອນພະຈິກ 2014.
ການກໍ່ສ້າງສະຖານີຄ່ຽນຖ່າຍຂີ້ເຫຍື້ອ ຈະສຳເລັດໃນທ້າຍເດືອນພະຈິກ ປີ 2015 ແລະ ການສະໜັບສະໜູນທາງດ້ານ
ເຕັກນິກວິຊາການ ເພື່ອບັນລຸຄວາມຍືນຍົງທາງດ້ານການດຳເນີນງານ ແລະ ບຳລຸງຮັກສາສະຖານີຄ່ຽນຖ່າຍຂີ້ເຫຍື້ອ
ຈະໄດ້ຈັດຂຶ້ນນັບແຕ່ຕົ້ນເດືອນພະຈິກຫາກາງເດືອນທັນວາ ປີ 2015.
ແຫລ່ງຂ່າວ: ວຽງຈັນໃໝ່