ການນຳພັກ-ລັດ ໄດ້ເຂົ້າວາງພວງມາລາ ຢູ່ອະນຸສາວະລີ ນັກຮົບນິລະນາມ ແລະ ວາງກະຕ່າດອກໄມ້ ຕໍ່ໜ້າຮູບຫຼໍ່
ປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ ທີ່ພິພິທະພັນ ໄກສອນ ພົມວິ
ຫານ ໃນໂອກາດວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 39 ປີ (2 ທັນວາ 1975-
2 ທັນວາ 2014) ເຊິ່ງພິທີດັ່ງກ່າວ ມີຂຶ້ນໃນວັນທີ 28 ພະຈິກ ຜ່ານມາ.
ຈຸດປະສົງຂອງການເຂົ້າວາງພວງມາລາ ແລະ ກະຕ່າດອກໄມ້ຄັ້ງນີ້ ແມ່ນເພື່ອລະນຶກເຖິງຄຸນງາມຄວາມດີຂອງ
ບັນດານັກຮົບປະຕິວັດ ລວມໄປເຖິງພໍ່ແມ່ປະຊາຊົນລາວບັນດາເຜົ່າ ຜູ້ທີ່ໄດ້ເສຍສະຫຼະເລືອດເນື້ອ ໃນຂະບວນ
ການຕໍ່ສູ້ກູ້ຊາດກັບພວກລ່າເມືອງຂຶ້ນແບບເກົ່າ ແລະ ໃໝ່ ໂດຍສະເພາະແມ່ນປະທານ ໄກສອນ ພົມວິຫານ
ພ້ອມບັນດາການນຳ ໄດ້ເອົາໃຈໃສ່ໃນການປຸກລະດົມປະຊາຊົນລາວບັນດາເຜົ່າ ພາຍໃຕ້ຄັນທຸງຂອງພັກປະຊາ
ຊົນປະຕິວັດລາວ ຈົນສາມາດໄດ້ຮັບໄຊຊະນະຄັ້ງຍິ່ງໃຫຍ່ ໃນວັນທີ 2 ທັນວາ 1975 ພ້ອມນັ້ນກໍ່ຍັງໄດ້ສືບຕໍ່ນຳພາ
ປະຊາຊົນລາວບັນດາເຜົ່າ ປະຕິບັດສອງໜ້າທີ່ຍຸດທະສາດຄື: ການປົກປັກຮັກສາ ແລະ ສ້າງສາພັດທະນາປະເທດ
ຊາດ ເຮັດໃຫ້ຕະຫຼອດໄລຍະ 39 ປີຜ່ານມາ ປະເທດຊາດເຮົາໄດ້ຮັບການພັດທະນາຂຶ້ນເປັນກ້າວໆ.
ບັນດາຄະນະທີ່ເຂົ້າວາງພວງມາລາ ແລະ ກະຕ່າດອກໄມ້ ປະກອບມີ: ຄະນະບໍລິຫານງານສູນກາງພັກ ນຳໂດຍສະ
ຫາຍ ຈູມມາລີ ໄຊຍະສອນ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດ ສະພາແຫ່ງຊາດ
ນຳໂດຍ ສະຫາຍ ນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ ປະທານສະພາແຫ່ງຊາດ ຄະນະລັດ
ຖະບານ ນຳໂດຍສະຫາຍ ທອງສິງ ທຳມະວົງ ກຳມະການກົມການເມືອງສູນກາງພັກ ນາຍົກລັດຖະມົນຕີ ກະຊວງ
ປ້ອງກັນປະເທດ ນຳໂດຍສະຫາຍ ພົນໂທ ແສງນວນ ໄຊຍະລາດ ເລຂາທິການສູນກາງພັກ ລັດຖະມົນຕີວ່າການ
ກະຊວງປ້ອງກັນປະເທດ ກະຊວງປ້ອງກັນຄວາມສະຫງົບ ນຳໂດຍ ສະຫາຍ ພົນຈັດຕະວາ ສົມແກ້ວ ສີລາວົງ ກຳ
ມະການສູນກາງພັກ ຮັກສາການລັດຖະມົນຕີວ່າການກະຊວງປ້ອງກັນຄວາມສະຫງົບ ສູນກາງແນວລາວສ້າງ
ຊາດ ແລະ ອົງການຈັດຕັ້ງມະຫາຊົນ ນຳໂດຍ ສະຫາຍ ສຈ.ດຣ. ພັນດວງຈິດ ວົງສາ ກຳມະການສູນກາງພັກ ປະ
ທານສູນກາງແນວລາວສ້າງຊາດ ແລະ ນະຄອນຫຼວງວຽງຈັນ ນຳໂດຍ ສະຫາຍ ດຣ. ສິນລະວົງ ຄຸດໄພທູນ ກຳມະ
ການສູນກາງພັກ ເຈົ້າຄອງນະຄອນຫຼວງວຽງຈັນ.
ແຫລ່ງຂ່າວ: ວຽງຈັນໃໝ່