ອີງຕາມສຳນັກຂ່າວຕ່າງປະເທດລາຍງານໃນວັນທີ 20 ສິງຫາ 2023 ຜ່ານມາ, ສານຕັດສິນພະຍາບານສາວໃຈໂຫດຂໍ້ຫາຂ້າເດັກນ້ອຍເກີດໃໝ່ 7 ຄົນ ແລະ ພະຍາຍາມຂ້າອີກ 6 ຄົນ ນັບໄດ້ວ່າເປັນການຄາຕະກຳຕໍ່ເນື່ອງຄັ້ງທີ່ໂຫດຮ້າຍທີ່ສຸດ.

ຕາມການລາຍງານເຫດເກີດຂື້ນທີ່ໂຮງໝໍເຄົ້າເຕສ ອ໋ອບ ເຊສເຕີ ລະຫວ່າງເດືອນມິຖຸນາ 2015-ເດືອນມິຖຸນາ 2016, ນາງໄດ້ທຳຮ້າຍເດັກນ້ອຍເກີດໃໝ່ດ້ວຍການຊິດອາກາດເຂົ້າໃນກະແສເລືອດ ແລະ ຊ່ອງທ້ອງຜ່່ານທາງສາຍຢາງທາງດັງ ຫຼື ປ້ອນນົມຫຼາຍເກີນຄວາມຈຳເປັນ ແລະ ໃຊ້ກຳລັງທຳຮ້າຍ ແລະ ວາງຢາຜິດດ້ວຍອິນຊູລິນ ເຮັດໃຫ້ມີເດັກນ້ອຍເພດຊາຍເສຍຊີວິດ 5 ສົບ ແລະ ເພດຍິງອີກ 2 ສົບ.

ຢ່າງໃດກໍຕາມຫຼັງຈາກາກນພິຈາລະນາຄະດີ 10 ເດືອນຕັ້ງແຕ່ເດືອນຕຸລາ 2022, ໂດຍສານຈະຕັດສິນໃນວັນຈັນທີ 21 ສິງຫາ 2023 ເຊິ່ງຄາດວ່ານາງອາດຈະໄດ້ຮັບໂທດຈຳຄຸກຕະຫຼອດຊີວິດ, ນອກຈາກການຖືກຕັດສິນເລື່ອງຂ້າເດັກນ້ອຍເກີດໃໝ່ 7 ຄົນແລ້ວ ນາງຍັງຈະຖືກຕັດສິນໃນຄະດີພະຍາຍາມຂ້າເດັກນ້ອຍອີກ 6 ຄົນ.

ກ່ອນໜ້ານີ້ນາງໄດ້ຖືກຈັບໃນປີ 2018 ຫຼັງເຈົ້າໜ້າທີ່ກວດສອບຫາສາເຫດຂອງຍອດເດັກນ້ອຍຜູ້ເສຍຊີວິດໃນໂຮງໝໍເພີ່ມຂຶ້ນສູງຈົນຜິດປົກກະຕິ ເພາະກ່ອນນ້ານີ້ພະແນກເດັກເກີດໃໝ່ຂອງໂຮງໝລດັ່ງກ່າວມີບໍ່ຮອດ 3 ຄົນຕໍ່ປີທີ່ເສຍຊີວິດ, ຕໍ່ມາສາວພະຍາບານຄົນນີ້ຖືກຈັບເປັນຄັ້ງທີ 2 ໃນປີ 2019 ແລະ ໃນເດືອນພະຈິກ 2020 ໂດຍເຈົ້າໜ້າທີ່ພົບຫຼັກຖານສຳຄັນທີ່ເປັນຈົດໝາຍທີ່ຂຽກດ້ວຍລາຍມືຂອງນາງທີ່ມີເນື້ອໃນວ່າ: ຂ້ອຍບໍ່ຄວນມີຊີວິດຢູ່ ຂ້ອຍຕັ້ງໃຈຂ້າພວກເຂົາ ເພາະຂ້ອຍຍັງດີບໍພໍທີ່ຈະດູແລພວກເຂົາ ” ຂ້ອຍຄືຄົນຊົ່ວຮ້າຍ ແລະ ເປັນຕາຢ້ານ”