ເຈົ້າຂອງຫ້ອງເຊົ່າຕ້ອງອຸກໃຈກັບສາວຄົນນີ້ເມື່ອພົບກອງຂີ້ເຫຍື້ອເຕັມຫ້ອງເຊົ່າ ແລະ ຜູ້ເຊົ່າກໍຍັງບໍ່ຍອມອອກຈາກຫ້ອງເຊົ່າ ນັ່ງຫຼິ້ນໂທລະສັບໃນກອງຂີ້ເຫຍື້ອ.
8月9日～青岛，一女子租房垃圾堆成山，房东称其一年不出门，吃喝全在屋里 pic.twitter.com/w7tySeWv8V
— 目口口口口 (@mutian414) August 10, 2023
ບໍ່ເທົ່າໃດມື້ມານີ້ ເປັນທີ່ໂດ່ງດັງຫຼາຍໃນສັງຄົມອອນລາຍໃນຈີນ ທີ່ແຊເລື່ອງຂອງເຈົ້າຂອງຫ້ອງເຊົ່າແຫ່ງໜຶ່ງໃນເມືອງຊິງເຕົ່າ ມົນທົນຕົງ ປະເທດຈີນ ໂດຍເຈົ້າຂອງຫ້ອງເຊົ່າໄດ້ຮັບການຮ້ອງຮຽນຈາກຫ້ອງເຊົ່າທາງຂ້າງວ່າມີກິ່ນເໝັນອອກມາຈາກຫ້ອງເຊົ່າ ແລະ ເມື່ອເຈົ້າຂອງຫ້ອງເຊົ່າເຂົ້າໄປເບິ່ງກໍຕ້ອງຕົກໃຈກັບພາບທີ່ເຫັນ, ຍິ່ງໄປກວ່ານັ້ນກໍແມ່ນກິ່ນເໝັນອອກມາແຮງ ເນື່ອງຈາກພາຍໃນຫ້ອງເຕັມໄປດ້ວຍຂີ້ເຫຍື້ອຈົນບໍ່ມີທາງຍ່າງ ແລະທີ່ຕົກໃຈໄປກວ່ານັ້ນກໍແມ່ນເຈົ້າຂອງຫ້ອງນີ້ແມ່ນຜູ້ຍິງໄວລຸ້ນ ໂດຍລາວກໍນັ່ງຫຼິ້ນໂທລະສັບຢ່າງໜ້າຕາເສີຍ ໂດຍລະບຸວ່າ ບໍ່ໄດ້ເອົາຂີ້ເຫຍື້ອອອກໄປຖິ້ມ 1 ປີແລ້ວ.
ຫຼັງຈາກນັ້ນ ທາງດ້ານເຈົ້າຂອງຫ້ອງເຊົ່າກໍໄດ້ໄລ່ສາວຄົນນີ້ອອກເພື່ອໄປຊອກເຊົ່າບ່ອນໃໝ່ ໂດຍໃຫ້ເວລາ 2-3 ມື້ ກ່ອນທີ່ຈະເອົາພະນັກງານເຂົ້າມາອະນາໄມຫ້ອງ ແຕ່ຍິງສາວຄົນດັ່ງກ່າວກໍບໍ່ຍອມອອກ ພ້ອມນັ່ງຫຼິ້ນໂທລະສັບໂດຍບໍ່ສົນໃຈຫຍັງ.
ພະນັກງານຕ້ອງໃຊ້ເວລາ 5 ຊົ່ວໂມງໃນການອະນາໄມຫ້ອງໃຫ້ກັບມາເປັນປົກກະຕິ.