spot_img
Homeຂ່າວພາຍ​ໃນໂຮງໝໍແມ່ ແລະ ເດັກເກີດໃໝ່ສູນກາງ ສຳເລັດການຜ່າຕັດຊ່ວຍເກີດລູກ ໃຫ້ຄົນເຈັບທີ່ເປັນກ້ອນເບົ້າຮັງໄຂ່

ໂຮງໝໍແມ່ ແລະ ເດັກເກີດໃໝ່ສູນກາງ ສຳເລັດການຜ່າຕັດຊ່ວຍເກີດລູກ ໃຫ້ຄົນເຈັບທີ່ເປັນກ້ອນເບົ້າຮັງໄຂ່

Published on

ທ່ານ ດຣ.​ ສີວັນໄຊ ຈັນທະວົງສັກ ອຳນວຍການໂຮງໝໍແມ່ ແລະ ເດັກເກີດໃໝ່ສູນກາງ ໄດ້ໃຫ້ສໍາພາດໃນວັນທີ 15 ສິງຫາ ນີ້ ວ່າ: ຄະນະແພດ-ໝໍ ແລະ ພະຍາບານຂອງໂຮງໝໍ ໄດ້ສຳເລັດການຜ່າຕັດຊ່ວຍເກີດລູກ ໃຫ້ຄົນເຈັບທີ່ເປັນກ້ອນເບົ້າຮັງໄຂ່ ໂດຍນໍ້າໜັກກ້ອນເບົ້າຫຼັງຜ່າຕັດແມ່ນ 20 ກິໂລກຣາມ ຊຶ່ງເປັນຜົນສຳເລັດໜຶ່ງທີ່ຖືໄດ້ວ່າເປັນຄັ້ງປະຫວັດສາດ ເພາະເປັນການຜ່າຕັດຊ່ວຍເກີດກ່ອນກຳນົດ ແລະ ເປັນການຜ່າກ້ອນເບົ້າຮັ່ງໄຂ ຂະໜາດໃຫຍ່ກວ່າທີ່ເຄີຍພົບເຫັນມາ.

ພ້ອມດຽວກັນນີ້, ທ່ານ ດຣ.​ ສະແນກ ອິນທະວົງ ຮອງພະແນກພະຍາດຍິງ ໜຶ່ງໃນຄະນະຜ່າຕັດໃນກໍລະນີດັ່ງກ່າວ ກໍໄດ້ໃຫ້ຂໍ້ມູນວ່າ: ຄົນເຈັບ ເປັນແມ່ຍິງຖືພາລູກຜູ້ທີ່ 2 ຊຶ່ງເປັນຄົນຊົນເຜົ່າມົ້ງ ອາຍຸ 17 ປີ ອາໄສຢູ່ບ້ານຜາສະຫງົບ ເມືອງອານຸວົງ ແຂວງໄຊສົມບູນ ໄດ້ຖືກນໍາສົ່ງຈາກໂຮງໝໍແຂວງເຂົ້າມາປິ່ນປົວຢູ່ໂຮງໝໍແມ່ ແລະ ເດັກເກີດໃໝ່ສູນກາງ ໃນວັນທີ 10/8/2023. ໃນເບື້ອງຕົ້ນຫຼັງຈາກຮັບຄົນເຈັບເຂົ້າປິ່ນປົວ, ຄະນະອຳນວຍການໂຮງໝໍ ກໍໄດ້ໃຫ້ການຊີ້ນໍາໂດຍກົງ ເພາະເປັນກໍລະນີທີ່ພົບເຫັນໄດ້ຍາກ ແລະ ດ້ວຍຂະໜາດຂອງກ້ອນເບົ້າແມ່ນໃຫຍ່ກວ່າທີ່ເຄີບພົບເຫັນມາກ່ອນ. ໂດຍພາຍໃຕ້ການຊີ້ນໍາ ແພດ-ໝໍພວກເຮົາໃນພະແນກກ່ຽວຂ້ອງ ໄດ້ມີການຕິດຕາມກວດກາຮ່າງກາຍ ແລະ ກວດເພີ່ມຕື່ມດ້ານຕ່າງໆ ມີການກວດເລືອດ, ເອໂກ້ ພ້ອມທັງຂຶ້ນແຜນການຜ່າຕັດ ເພື່ອເປັນການປົກປ້ອງຊີວິດຂອງແມ່ ແລະ ເດັກ ຕາມແນວທາງນະໂຍບາຍຂອງພັກ-ລັດຖະບານ ທັງເປັນການຫຼຸດຜ່ອນຄວາມສ່ຽງ, ປະກອບສ່ວນຫຼຸດອັດຕາການຕາຍແມ່ ແລະ ເດັກກ່ອນເກິີດ ຫຼື ເດັກເກີດໃໝ່.

ທ່ານ ດຣ.​ ສະແນກ ອິນທະວົງ ກ່າວໃຫ້ຮູ້ວ່າ: ຄົນເຈັບມີອາການຫາຍໃຈຝືດ, ນອນຫງ່າຍບໍ່ໄດ້ ແລະ ມີອາການຕີນບວມ ເນື່ອງຈາກຮ່າງກາຍທີ່ມີຮູບຮ່າງນ້ອຍ ຊຶ່ງຂໍ້ມູນນໍ້າໜັກກ່ອນຖືພາມີປະມານ 44 ກິໂລກຣາມ, ກ່ອນເຂົ້າຜ່າຕັດໃນຕອນເຊົ້າວັນທີ 15 ສິງຫານີ້ ມີນໍ້າໜັກເຖິງ 60 ປາຍກິໂລກຣາມ. ຄະນະແພດ-ໝໍ ແລະ ພະຍາບານ ທີ່ເຮັດໜ້າທີ່ຜ່າຕັດຊ່ວຍເກີດລູກ ໃຊ້ເວລາໃນການຜ່າຕັດ 1 ຊົ່ວໂມງ 30 ນາທີ ແລະ ສຳເລັດໄປດ້ວຍດີ, ແມ່ ແລະ ລູກ ມີຄວາມປອດໄພ ຊຶ່ງປັດຈຸບັນກຳລັງສືບຕໍ່ຕິດຕາມອາການ ແລະ ປິ່ນປົວຂັ້ນຕໍ່ໄປ. ຫຼັງຜ່າຕັດ, ກໍໄດ້ນໍາສົ່ງກ້ອນເບົ້າໄປວິໄຈ ເພື່ອຊອກຫາຄວາມສ່ຽງການເປັນມະເຮັງ.

ສ່ວນເດັກທີ່ເກີດໃໝ່, ມີນໍ້າໜັກ 1.595 ກຣາມ ໂດຍສະພາບເບື້ອງຕົ້ນແຂງແຮງດີ ແຕ່ກໍຕ້ອງຕິດຕາມເພີ່ມຕື່ມ ຈາກແພດ-ໝໍ ສະເພາະທາງ ແລະ ພະຍາບານກ່ຽວຂ້ອງ ເພື່ອນໍາໃຊ້ອຸປະກອນທີ່ທັນສະໄໝເຂົ້າຊ່ວຍຕິດຕາມ ແລະ ປິ່ນປົວຕາມອາການ ເນື່ອງຈາກການເກີດກ່ອນກຳນົດ ນໍ້າໜັກຂອງເດັກນ້ອຍຫຼຸດຈາກມາດຕະຖານປົກກະຕິເດັກເກີດໃໝ່ ທີ່ຕໍ່າສຸດຢູ່ທີ່ 2,5 ກິໂລກຣາມ.

ທີ່ມາ: ປະຊາົຊນ

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...