ພົບຍິງສາວອາຍຸ 23 ປີ ເສຍຊີວິດເທິງເຮືອບິນ ຢູໄນເຕັດ ແອຣ໌ລາຍ ໃນລະຫວ່າງການເດີນທາງຈາກລອນດອນ ໄປ
ສະຫະລັດອາເມຣິກາ ໂດຍບໍ່ມີການເປີດເຜີຍສາເຫດຂອງການເສຍຊີວິດ.
ສຳນັກຂ່າວຕ່າງປະເທດລາຍງານ ໃນວັນທີ 2 ທັນວາຜ່ານມານີ້ວ່າ ຍິງສາວຄົນດັ່ງກ່າວ ໂດຍສານມາກັບຖ້ຽວບິນ UA
115 ອອກຈາກສະໜາມບິນລອນດອນຮີດໂທຣ ໃນເວລາ 18:45 ໂມງ ຂອງວັນຈັນ (ຕາມເວລາໃນທ້ອງຖິ່ນ) ເພື່ອເດີນ
ທາງໄປຍັງສະໜາມບິນເມືອງນວກ ໃນລັດນິວເຈີຊີ ສະຫະລັດອາເມຣິກາ, ຢ່າງໃດກໍຕາມ ໃນລະຫວ່າງການເດີນທາງ
ນາງໄດ້ຖືກພົບວ່າໄດ້ໝົດສະຕິຢູ່ເທິງເຮືອບິນ ໂດຍມີຜູ້ໂດຍສານທີ່ເປັນແພດ ໄດ້ພະຍາຍາມໃຫ້ຄວາມຊ່ວຍເຫລືອ
ແລ້ວ ແຕ່ກໍບໍ່ໄດ້ຮັບຜົນ.
ດ້ານໂຄສົກຂອງສະໜາມບິນນິວເຈີຊີ ໄດ້ເປີດເຜີຍວ່າ ນາງມີປະຫວັດທີ່ມີບັນຫາທາງດ້ານສຸຂະພາບມາແລ້ວກ່ອນ
ໜ້ານີ້ ແຕ່ກໍຍັງບໍ່ທັນຮູ້ສາເຫດທີ່ແທ້ຈິງຂອງການເສຍຊີວິດເທື່ອ.