ກຳມະກອນບໍ່ແຮ່ທາງພາກເໜືອປະເທດເຄນຢາ ຖືກສັງຫານເສຍຊີວິດ 36 ຄົນ ທາງການສົງໄສອາດເປັນຝີມືກຸ່ມ
ກໍ່ການຮ້າຍຫົວຮຸນແຮງຈາກໂຊມາລີ.
ສຳນັກຂ່າວຕ່າງປະເທດລາຍງານ ໃນວັນທີ 2 ທັນວາຜ່ານມານີ້ວ່າ ກຳມະກອນບໍ່ຖ່ານຫີນທາງພາກເໜືອຂອງເຄນ
ຢາ ຖືກສັງຫານເສຍຊີວິດ 36 ຄົນ ໃນຕອນເຊົ້າຂອງວັນທີ 2 ທັນວາ ຕາມເວລາໃນທ້ອງຖິ່ນ ໂດຍທາງການເຊື່ອວ່າ
ເຫດການດັ່ງກ່າວເປັນຝີມືຂອງກຸ່ມກໍ່ການຮ້າຍຫົວຮຸນແຮງຈາກປະເທດໂຊມາລີ ເຊິ່ງເກີດຂຶ້ນໃນເມືອງເມນເດີຣ່າ
ໃກ້ກັບຊາຍແດນຂອງໂຊມາລີ.
ທັງນີ້ ຂໍ້ມູນໄດ້ລາຍງານວ່າ ກຳມະກອນໄດ້ຖືກໂຈມຕີໃນຂະນະທີ່ກຳລັງນອນຫລັບຢູ່ ແລະ ຈົນຮອດປັດຈຸບັນກໍຍັງບໍ່
ທັນມີກຸ່ມໃດໆອອກມາອ້າງຄວາມຮັບຜິດຊອບຕໍ່ກັບເຫດການດັ່ງກ່າວເທື່ອ.