ຄວາມໄວ້ໃຈເຊິ່ງກັນແລະກັນເປັນສິ່ງທີ່ດີ ແຕ່ການໄວ້ໃຈຫຼາຍກໍອາດຈະສົ່ງຜົນເສຍໃຫ້ຕົນເອງ ຄືກັບກໍລະນີນີ້.
ໃນວັນທີ 10 ສິງຫາ 2023 ມີຜູ້ໃຊ້ເຟສບຸກຊື່ Phonexay Xokxay ໂພສຜ່ານເຟສບຸກກ່ຽວກັບ ໄດ້ປ່ອຍໃຫ້ໝູ່ຢືມລົດໄປ ແຕ່ໝູ່ເຮັດເກີດອຸບັດຕິເຫດ ສ້າງຄວາມເສຍຫາຍໜັກໃຫ້ແກ່ລົດຂອງຕົນ ເຊິ່ງໝູ່ທີ່ຢືມລົດໄປກໍບໍ່ສະແດງຄວາມເສຍໃຈ ຫຼື ຂໍໂທດແຕ່ຢ່າງ ຊ້ຳບໍ່ໜຳໝູ່ຍັງໜີໄປອີກ.
ໂດຍລະບຸເຈົ້າຂອງກໍລະບຸວ່າ: “ຈື່ໄວ້ເປັນບົດຮຽນ ຈື່ຈຳໃສ່ສະໝອງຈົນຕາຍ ຢ່າໄວ້ໃຈຄົນອື່ນນອກຈາກຄອບຄົວ ຍ້ອນຄວາມເກງໃຈໝູ່ໃຫ້ໝູ່ຢືມລົດໄປ ເຮັດເກີດອຸບັດຕິເຫດບໍ່ບອກຈັກຄຳ ບໍ່ມີຄວາມຮັບຜິດຊອບ, ຄັນຕົນເອງບໍ່ເຫັນ ບໍ່ຈື່ປ້າຍລົດກະຄືຊິຖ້າເຂົາມາສົ່ງລົດຕອນ 5 ໂມງແລງມື້ອື່ນ ຮູ້ຍ້ອນເກີດເຫດຢູ່ໜ້າເຮືອນຄົນ, ຂອບໃຈຄົນໂພສເຟສ, ຄົນໂທມາບອກ, ບໍ່ຊັ້ນບໍ່ຮູ້ຫຍັງຊ້ຳ. ຈື່ໄວ້ເດີ່ ໃຜຊິວ່າຂີ້ຖີ່ ໃຜຊິວ່າຄັບແຂບເຫັນແກ່ຕົວກະຢ່າ ບໍ່ຕ້ອງໃຫ້ໝູ່ ຫຼື ຄົນຮອບຕົວຢືມລົດເດັດຂາດ ດີທີ່ຄົນຢືມໄປບໍ່ຕາຍ ບໍ່ຊັ້ນຍັງພໍຫາເງິນຫາເງິນຕະຫຼອດຊີວິດ.”