ໃນວັນທີ 10 ເດືອນສິງຫາ 2023, ເວລາ 02:00 ໂມງກາງຄືນ ເກີດເຫດກັນເຈື່ອນແຕກ ຢູ່ທ່າຈອມທອງ, ເຂດບ້ານປ່າຝາງເມືອງຫາດຊາຍຟອງ ນະຄອນຫຼວງວຽງຈັນ ເນື່ອງຈາກຝົນຕົກຕິຕໍກັນຫຼາຍວັນ ເລີຍເຮັດໃຫ້ປະລິມານນໍ້າຂອງເພີ່ມຂຶ້ນສູງ.
ພໍ່ຕູ້ຍົມ ອາຍຸ 60ປີ ປະຊາຊົນຢູ່ບ້ານປ່າຝາງ ເມືອງຫາດຊາຍຟອງ ນະຄອນຫຼວງວຽງຈັນ ໄດ້ໃຫ້ສຳພາດຕໍ່ທີມງານລາວໂພສ ກ່ຽວກັບກໍລະນີກັນເຈືອນແຕກໂດຍລະບຸວ່າ: ຍ້ອນວ່າມີຝົນຕົກໜັກຕິດຕໍ່ກັນຫຼາຍມື້ເຮັດໃຫ້ປະລິມານນ້ຳຝົນນີ້ເພີ່ມຂຶ້ນຫຼາຍ ແລະ ອີກສາເຫດກໍເກີດຍ້ອນກັນເຈື່ອນບໍ່ໄດ້ມາດຕະຖານ ເນື່ອງຈາກມີການພູນດິນຂຶ້ນ ແລ້ວກໍຜ້າແລ້ວວາງດິນບ໋ອກທາງລຸ່ມເລີຍ, ແລະ ມີທາງແລ່ນລົດ ຫຼັງຈາກພູນດິນຂຶ້ນມັນຈະຕໍ່າເບື້ອງໜຶ່ງ ເວລານ້ຳມາຫຼາຍແລ້ວນ້ຳມັນຈະຊຶມແລ້ວດິນຈະຍຸບ ເມື່ອນ້ຳຂອງຂຶ້ນຈຶ່ງເຮັດໃຫ້ກັນເຈື່ອນແຕກ 1-3 ບ່ອນ ແລະ ເປັນຫ່ວງຢ່າງຍິ່ງເວລານ້ຳລົງ ຫຼື ແຫ້ງກັນເຈື່ອນຈະເປ່ເພໝົດ
ຖ້າແມ່ນກັນເຈື່ອນໂຕນີ້ແຕກ ຫຼື ນ້ຳມັນມາແຮງ ປະລິມານນ້ຳທີ່ຫຼາຍຈະໄຫຼລົງທີ່ຕ່ຳ ແລະ ຈະເຮັດໃຫ້ນ້ຳຖ້ວມຫຼາຍເຂດໃນເມືອງຫາດຊາຍຟອງ, ເຊິ່ງໃນໄລຍະທີ່ຜ່ານມາຕອນທີ່ຍັງບໍ່ມີກັນເຈື່ອນແມ່ນນ້ຳຖ້ວມແຕ່ສະເພາະສວນພັກຂອງປະຊາຊົນ.
ສ່ວນການກຽມຄວາມພ້ອມ ແລະ ຮັບມືນັ້ນເບື່ອງຕົ້ນນັ້ນກໍແນ່ນອນຢູ່ແລ້ວເພາະວ່າທີ່ຜ່ານມາ, ເພາະວ່າບ້ານນີ້ກໍເຄີຍຖືກນ້ຳຖ້ວມແລ້ວ ຈະບໍ່ມີຜົນກະທົບຫຼາຍ ເຊິ່ງປະຊາຊົນສາມາດເອົາໂຕລອດ ໃນສະຖານນະການນ້ຳຖ້ວມໄດ້.