ສຳນັກຂ່າວຕ່າງປະເທດລາຍງານໃນວັນທີ 6 ສິງຫາ 2023 ຜ່ານມາ, ເກີດເຫດລົດໄຟສາຍດ່ວນ Hazara Express ຕົກລາງໃນປາກິດສະຖານ ເຮັດໃຫ້ມີຜູ້ເສຍຊີວິດ 25 ຄົນ ແລະ ບາດເຈັບ 80 ຄົນ ເຊິ່ງເຈົ້າໜ້າທີ່ໜ່ວຍກູ້ໄພເລັ່ງຊ່ວຍເຫຼືອຜູ້ໂດຍສານຕິດຢູ່ໃນຊາກຕູ້ລົດໄຟ 8 ຕູ້ທີ່ຕົກລາງ.
ລົດໄຟຂະບວນດັ່ງກ່າວເດີນທາງອອກຈາກນະຄອນກາຮາຈີ ເດີນທາງໄປເມືອງອັນບອດຕະບັດ ແລະ ໄດ້ປະສົບອຸບັດຕິເຫດຕົກລົງຢູ່ໃກ້ສະຖານີລົດໄຟໃນເມືອງ ນາວາບຊາ ແຄວ້ນສິນ ຫ່າງຈາກນະຄອນກາຮາຈີ ເມືອງໃຫຍ່ທີ່ສຸດຂອງປາກິດສະຖານ ປະມານ 275 ກິໂລແມັດ ເປັນເຫດໃຫ້ມີຄົນບາດເຈັບ ແລະ ເສຍຊີວິດເປັນຈຳນວນຫຼາຍ.
ທ່ານ ຊາອັດ ຮາຟິກ ລັດຖະມົນຕີວ່າການລົດໄຟຂອງປາກິດສະຖານກ່າວວ່າ: ຈາກການກວດສອບເບື້ອງຕົ້ນຂອງເຈົ້າໜ້າທີ່ ພົບວ່າ ລົດໄຟຂະບວນນີ້ແລ່ນດ້ວຍຄວາມໄວປົກກະຕິ ກ່ອນທີ່ຈະພະຍາຍາມເລັ່ງຄວາມໄວຂຶ້ນຈົນນຳໄປສູ່ການເກີດອຸບັດຕິເຫດຮ້າຍແຮງ ໃນຂະນະທີ່ທາງການປາກີດສະຖານ
ທັງນີ້, ອຸບັດຕິເຫດລົດໄຟໃນປາກິດສະຖານຍັງເກີດຂຶ້ນຫຼາຍໂດຍທີ່ຜ່ານມາ, ເມື່ອເດືອນມິຖຸນາ 2021 ເກີດເຫດລົດໄຟຕຳກັນທີ່ແຄວ້ນສິນ ເປັນເຫດໃຫ້ມີຜູ້ເສຍຊີວິດຢ່າງໜ້ອຍ 65 ຄົນ ແລະ ບາດເຈັບ 150 ຄົນ.
ທີ່ມາ: BBC