ຈາກກໍລະນີໄດ້ມີຄລິບວິດີໂອຖືກເຜີຍແຜ່ຜ່ານສື່ສັງຄົມອອນລາຍຈຳນວນຫຼາຍໃນຕອນນີ້ ກ່ຽວກັບຊາຍຊາວຈີນ ລັກສະນະໃສ່ໝວກ ແລະຢູ່ນຳນັກຮຽນ ຫຼື ແມ່ຍິງລາວ ໂດຍໃຫ້ແມ່ຍິງໃສ່ເສື້ອນັກຮຽນ ຫຼື ເສື້ອຊາວໜຸ່ມ ໃນຫ້ອງພັກເພື່ອທີ່ຈະຖ່າຍທຳໄປທາງອະນາຈານ.
ຈາກກໍລະນີດັ່ງກ່າວ ແມ່ນໃຫ້ຮູ້ວ່າຄລິບດັ່ງກ່າວນັ້ນ (ສະເພາະຄຣິບຊາຍຊາວຈີນໃສ່ໝວກ) ແມ່ນເປັນຄຣິບເມື່ອຫຼາຍປີກ່ອນ, ເຊິ່ງໄດ້ຖືກເຜີຍແຜ່ໃນປີ 2020 ທີ່ຜ່ານມາ. ເຊິ່ງຜູ້ກ່ຽວ ແລະຜູ້ຮ່ວມຂະບວນທັງໝົດກ່ຽວກັບເລື່ອງນີ້ ແມ່ນໄດ້ຖືກເຈົ້າໜ້າທີ່ນຳໂຕໄປດຳເນີນຄະດີຕາມກົດໝາຍປະມວນອາຍາຂອງ ສປປ ລາວ ເປັນທີ່ຮຽບຮ້ອຍແລ້ວ.
ສະນັ້ນ, ຈຶ່ງຂໍໃຫ້ຮຽກຮ້ອງໃຫ້ບັນດາສື່ສັງຄົມອອນລາຍ ພໍ່ແມ່ປະຊາຊົນ ບໍ່ເຜີຍແຜ່ ແລະ ແຊວິດີໂອດັ່ງກ່າວຕໍ່ໄປ ເພື່ອບໍ່ໃຫ້ເຂົ້າໃຈຜິດຕໍ່ຜູ້ໃຊ້ສື່ສັງຄົມອອນລາຍຄົນອື່ນໆ.