ໃນຕອນເດິກ ຂອງວັນທີ 31 ກໍລະກົດທີ່ຜ່ານມາ ເກີດເຫດຄົນຖືກແທງ ທີ່ຮ້ານບັນເທີງແຫ່ງໜຶ່ງ, ນະຄອນຫຼວງວຽງຈັນ, ເຊິ່ງຜູ້ແບ່ງປັນຮູບ ແລະ ວີດີໂອ ຂອງເຫດການດັ່ງກ່າວໃຫ້ຮູ້ວ່າ: ຜູ້ຖືກແທງແມ່ນຄົນໄທ ເຊິ່ງໄດ້ຮັບບາດເຈັບສາຫັດ ທີ່ ສະຖານບັນເທີງ ນວ ພ້ອມບອກສາຍປາຕີ້ໃຫ້ລະມັດລະວັງໃນການກິນດື່ມ ແລະ ບັນດາອ້າຍນ້ອງດີເຈກໍລະມັດລະວັງນຳ ພ້ອມຂໍໃຫ້ຜູ້ບາດເຈັບປອດໄພ.
ຈາກເຫດການດັ່ງກ່າວ, ມີຜູ້ໃຊ້ສື່ສັງຄົມອອນລາຍເຂົ້າມາສະແດງຄວາມຄິດເຫັນຈຳນວນຫຼາຍ ແລະ ແຊສໄປອີກຫຼາຍຮ້ອຍແຊສ ສ່ວນໃຫຍ່ແມ່ນໄດ້ແທັກໃຫ້ໝູ່ ແລະ ມີຄວາມລະແວງ ແລະ ຢ້ານເວລາໄປຫຼີ້ນ ເມື່ອໄດ້ເຫັນຂ່າວກ່ຽວກັບເຫດການນີ້.
ຂໍໃຫ້ເຈົ້າໜ້າທີ່ຈັບຜູ້ກໍ່ເຫດມາລົງໂທດໃຫ້ໄດ້!