ໃນອາທິດທີ່ຜ່ານມານີ້ ເປັນຊ່ວງມື້ພັກຍາວ 6 ມື້ ຂອງຄົນໄທ ເຮັດໃຫ້ມີຄົນໄທຈຳນວນຫຼາຍພາກັນໄປທ່ຽວ ແລະ ກໍມີຄົນໄທກຸ່ມໜຶ່ງ ທີ່ກັບມາຈາກການທ່ຽວຄຸນໝິງ ປະເທດຈີນ ແຕ່ເກີດອຸບັດຕິເຫດລຳຕູ້ພາທ່ຽວ ຕຳກັບລົດຕູ້ຄອນເທັນເນີທີ່ລະຫວ່າງເສັ້ນທາງແຂວງຫຼວງນ້ຳທາ-ບໍ່ແກ້ວ ຫ່າງຈາກດ່ານລາວ-ໄທ ປະມານ 100 ກິໂລແມັດ ເຮັດໃຫ້ມີຜູ້ເສຍຊີວິດ 6 ຄົນ ແລະ ບາດເຈັບ 3 ຄົນ.
ໃນວັນທີ 27 ກໍລະກົດ 2023 ເວລາ 13:01 ໂມງ ໜວ່ຍກູ້ໄພໄດ້ຮັບແຈ້ງວ່າມີອຸບັດຕິເຫດຂັບຂີ່ລົດຕູ້ຄອນເທັນເນີຕຳກັບລົດຕູ້ ຢູ່ຂອບເຂດບ້ານ ນ້ຳແພ ເມືອງວຽງພູຄາ ແຂວງຫຼວງນ້ຳທາ.
ພາຍຫຼັງທາງກູ້ໄພເຂົ້າກວດສອບທີ່ເກີດເຫດ ກໍພົບເຫັນຜູ້ເສຍຊີວິດ 6 ຄົນ ຜູ້ບາດເຈັບ 3 ຄົນ ເຊິ່ງໜຶ່ງໃນຜູ້ເສຍຊີວິດເປັນຄົນລາວທີ່ເປັນຄົນຂັບລົດ ສ່ວນນັກທ່ອງທ່ຽວທີ່ເຫຼືອເປັນຄົນໄທ.
- ຜູ້ເສຍຊີວິດທີ1: ທ້າວ ຕຸ້ຍ ສັນຊາດລາວ ອາຍຸ 35 ປີ ທີ່ຢູ່ບ້ານຫ້ວຍມອນ (ປ່າກ້ວຍ) ເມືອງຫ້ວຍຊາຍ ແຂວງບໍ່ແກ້ວ ມີບາດແຜກະທົບຫົວ, ຢູ່ບໍລິເວນທ້ອງເບື້ອງຊ້າຍມີບາດແຜໃຫຍ່ກວ້າງເລິກ ແລະ ແຂນຫັກ.
- ຜູ້ເສຍຊີວິດທີ 2 : ນາງ ຄຳໃສ ຊົມພູໃບ ອາຍຸ 59 ປີ (ສັນຊາດໄທ) ຫົວແຕກ, ຖືກກະທົບຫົວຢ່າງຮຸນແຮງ.
- ຜູ້ເສຍຊີວິດທີີ 3 :ນາງ ບຸນນຳ ອາດພັກດີ ອາຍຸ 64 ປີີ (ສັນຊາດໄທ) ຫົວແຕກ, ກະທົບຫົວຢ່າງຮຸນແຮງ.
- ຜູ້ເສຍຊີວິດທີີ 4 : ນາງ ການຈະນາ ເງິນເຢັນ ອາຍຸ 68 ປີີ (ສັນຊາດໄທ) ກະໂຫຼກຫົວແຕກ, ບ່າໄຫຼ່ເບື້ອງຊ້າຍຈີກຂາດເປັນບາດແຜໃຫຍ່ກວ້າງ.
- ຜູ້ເສຍຊີວິດທີີ 5 : ນາງ ຍຸພາ ມີໄຊ ອາຍຸ 66 ປີີ (ສັນຊາດໄທ) ກະທົບຫົວ, ຕາບວມຊໍ້າ, ຄິ້ວຊ້າຍຈີກ, ຕາມຕົນໂຕຊໍ້າ.
- ຜູ້ເສຍຊີວິດທີີ 6 : ທ້າວ ນຸຍ ມີໄຊ ອາຍຸ 68 ປີີ (ສັນຊາດໄທ) ກະໂຫຼກຫົວແຕກ, ບ່າໄຫຼ່ຊ້າຍທະເລີ້ນຊໍ້າ, ແຂນຂວາຫັກປິດ ແລະ ໜ້າເອິກຊໍ້າ.