ທະນາຄານກາງຂອງມຽນມາ ອອກທະນາບັດໃໝ່ທີ່ມີມູນຄ່າ 2 ເທົ່າຂອງທະນາບັດທີ່ມີມູນຄ່າສູງທີ່ສຸດໃນປັດຈຸບັນ ໃນຂະນະເສດຖະກິດມຽນມາກຳລັງຕົກຕ່ຳ ຫຼັງການຍຶດອຳນາດໃນປີ 2021.
ທັ້ງນີ້ ທະນາຄານກາງມຽນມາ ບໍ່ໄດ້ໃຫ້ເຫດຜົນຂອງການອອກທະນາບັດ 20.000 ຈາດ (Kyat) ຫຼື ປະມານ 183.000 ກີບ ທີ່ມີມູນຄ່າສູງສຸດຂອງປະເທດ ນັບຕັ້ງແຕ່ກອງທັບຂັບໄລ່ລັດຖະບານທີ່ມາຈາກການເລືອກຕັ້ງຂອງ ອອງຊານຊູຈີ ການຂວ້ຳບາດທາງເສດຖະກິດ ແລະ ມາດຕະການຂວ້ຳບາດທີ່ກຳນົດຂຶ້ນໂດຍບັນດາປະເທດທາງຕາເວັນຕົກ ທີ່ຫຼາຍຄົນໄດ້ຮັບຜົນກະທົບມາຕັ້ງແຕ່ສົງຄາມການເມືອງ ແລະ ການແຜ່ລະບາດຂອງໂຄວິດ-19.
ການອອກທະນາບັດໃໝ່ ທີ່ມີມູນຄ່າສູງຂຶ້ນນັ້ນ ກ່ຽວຂ້ອງກັບຄວາມເຊື່ອເລື່ອງຄວາມສ່ຽງຂອງພາວະເງິນເຟີ້.
ການລາຍງານທາງສະຖານີໂທລະທັດ MRTV ລະບຸວ່າ: ທະນາບັດ ໃບລະ 20.000 ຈາດ ຈະອອກໃນຈຳນວນຈຳກັດ ຕັ້ງແຕ່ວັນທີ 31 ກໍລະກົດ.
ທະນາບັດໃໝ່ ຈະສາມາດໃຊ້ໄດ້ໂດຍການແລກປ່ຽນເອົາທະນາບັດມູນຄ່າຕ່ຳກວ່າທີ່ອາດຈະເປື້ອນ ຫຼື ຂາດໜ້ອຍໜຶ່ງ ມາຮວມໃຫ້ໄດ້ເທົ່າມູນຄ່າຂອງເງິນທີ່ຈະປ່ຽນ.
ແຫຼ່ງຂ່າວ AP