ຈົບກັນໄປແລ້ວ ກັບເວທີປະກວດ Mister Universe Laos ແລະ Miss Universe Laos ປະຈຳປີ 2023 ເຊິ່ງທັງ 2 ເວທີ ໄດ້ຜູ້ຊະນະເລີດທີ່ເປັນຕົວແທນແຂວງຜົ້ງສາລີ.
ທັ້ງນີ້ Mister Universe Laos ຜູ້ຊະນະເລີດໄດ້ແກ່ ອາຊີ ເຮີ ຕົວແທນຈາກແຂວງຜົ້ງສາລີ ເຊິ່ງເປັນການປະກວດ Mister Universe ຄັ້ງທຳອິດໃນປະເທດລາວ ໄດ້ຈັດຂຶ້ນໃນວັນທີ 9 ກໍລະກົດ ກໍໄດ້ຮັບການຕອບຮັບດີຈາກສື່ມວນຊົນ.
ແລະ ຫຼ້າສຸດໃນຄ່ຳຄືນຂອງວັນທີ 23 ກໍລະກົດ ທີ່ຜ່ານມາ Miss Universe Laos 2023 ໄດ້ແກ່ ໄພມະນີ ລາດສະບັນເທົາ ຫຼື ປາເປົ້າ ຕົວແທນສາວງາມນຳສະເໜີແຂວງຜົ້ງສາລີ ທີ່ຈະໄດ້ເປັນຕົວແທນໃນການປະກວດ Miss Universe ໃນເວທີສາກົນ ທີ່ຈະຈັດຂຶ້ນ ໃນປະເທດແອນຊາວາດໍ (El Salvador).
ຢ່າງໃດກໍຕາມ ວັນເວລາໃນການປະກວດຂອງເວລາທີສາກົນຍັງບໍ່ຮູ້ໄດ້ຢ່າງຊັດເຈນ ແຕ່ເຮົາຈະລໍຖ້າຕິດຕາມນຳກັນວ່າ Miss Universe Laos 2023 ຈະສາມາດພິສິດເວທີລະດັບສາກົນໄດ້ບໍ.