spot_img
Homeຂ່າວພາຍ​ໃນວຽດນາມ ກຽມນໍາເຂົ້າຖ່ານຫີນຈໍານວນ 20 ລ້ານໂຕນຈາກລາວ

ວຽດນາມ ກຽມນໍາເຂົ້າຖ່ານຫີນຈໍານວນ 20 ລ້ານໂຕນຈາກລາວ

Published on

ສສ ຫວຽດນາມ ກຽມນໍາເຂົ້າຖ່ານຫີນຈໍານວນ 20 ລ້ານໂຕນ ໃນແຕ່ລະປີ ຈາກ ສປປ ລາວ ໃນໄລຍະເວລາ 5 ປີ ເພື່ອຕອບສະໜອງຄວາມຕ້ອງການຂອງຕະຫຼາດ ແລະ ສະພາບການພາຍໃນປະເທດຂອງຫວຽດນາມ ພ້ອມທັງຊຸກຍູ້ການສົ່ງອອກຖ່ານຫີນ ຂອງ ສປປ ລາວ.

ອີງຕາມການລາຍງານຂອງແຫຼ່ງຂ່າວ ທີ່ ສສ ຫວຽດນາມ ໃນວັນທີ 20 ກໍລະກົດ ທີ່ຜ່ານມານີ້ ທາງກະຊວງອຸດສາຫະກໍາ ແລະ ການຄ້າຫວຽດນາມ ແລະ ກະຊວງພະລັງງານ ແລະ ບໍ່ແຮ່ ຂອງ ສປປ ລາວ ໄດ້ຮ່ວມລົງນາມບົດບັນທຶກຄວາມເຂົ້າໃຈ (MOU) ທີ່ລົງນາມໂດຍທ່ານ ໂພໄຊ ໄຊຍະສອນ ລັດຖະມົນຕີກະຊວງພະລັງງານ ແລະ ບໍ່ແຮ່ ແລະ ທ່ານ Nguyen Hong Dien ລັດຖະມົນຕີ ກະຊວງອຸດສາຫະກໍາ ແລະ ການຄ້າ ຫວຽດນາມ ກ່ຽວກັບການທີ່ ສສ ຫວຽດນາມ ຈະນໍາເຂົ້າຖ່ານຫີນປີລະ 20 ລ້ານໂຕນ ເປັນໄລຍະເວລາ 5 ປີ.

ການຮ່ວມມືຄັ້ງນີ້ເກີດຂຶ້ນທ່າມກາງຄວາມຄາດຫວັງ ທີ່ຈະສ້າງຄວາມສະດວກ ແລະ ເງື່ອນໄຂໃຫ້ແກ່ການຫັນປ່ຽນດ້ານພະລັງງານ ແລະ ຮັບປະກັນຄວາມຫມັ້ນຄົງດ້ານພະລັງງານຂອງ ຫວຽດນາມ, ພ້ອມທັງເປັນການໜູນຊ່ວຍລາວໃນການຂຸດຄົ້ນ ແລະ ຊຸກຍູ້ທ່າແຮງບົ່ມຊ້ອນຂອງຂະແໜງຖ່ານຫີນ.

ໃນຊຸມປີທີ່ຜ່ານມາ ລາວແມ່ນຜູ້ສະໜອງຖ່ານຫີນ ແລະ ແຮ່ທາດທີ່ສໍາຄັນໃຫ້ແກ່ຫວຽດນາມ ໂດຍໃນປີ 2022 ທີ່ຜ່ານມາ ຫວຽດນາມໄດ້ນໍາເຂົ້າແຮ່ທາດຈາກ ສປປ ລາວ ຈໍານວນ 1,8 ລ້ານໂຕນ ເປັນມູນຄ່າ 78,2 ລ້ານ ແລະ ໃນ 6 ເດືອນຕົ້ນປີ 2023 ນີ້ ສສ ຫວຽດນາມໄດ້ມີການນໍາເຂົ້າຖ່ານຫີນຈາກ ສປປ ລາວ ໄປແລ້ວ ກວ່າ 900.000 ໂຕນ ມູນຄ່າ 31,6 ລ້ານໂດລາ.

ນອກຈາກນີ້ ການເຊັນສັນຍາຄັ້ງດັ່ງກ່າວຍັງເກີດຂຶ້ນ ພາຍຫຼັງອົງການຈັດຕັ້ງ ແຂວງ Quang Tri ໃນພາກກາງຂອງ ສສ ຫວຽດນາມ ໄດ້ສະເຫນີສ້າງສາຍພານລໍາລຽງຄວາມຍາວ 160 ກິໂລແມັດ ທີ່ຈະສາມາດຂົນສົ່ງຖ່ານຫີນໄດ້ສູງເຖິງ 1.500 ໂຕນຕໍ່ຊົ່ວໂມງ ເພື່ອອໍານວຍຄວາມສະດວກໃນການຂົນສົ່ງຖ່ານຫີນ ຈາກແຂວງ ເຊກອງ ແລະ ສາລະວັນ ຂອງ ສປປ ລາວ ມາສູ່ທ່າເຮືອ My Thuy ເຊິ່ງເປັນທ່າເຮືອທີ່ສໍາຄັນໃນປະເທດຫວຽດນາມ.

ສປປ ລາວ ແລະ ສສ ຫວຽດນາມ ເປັນສອງປະເທດທີ່ມີການຮ່ວມມືກັນຫຼາຍດ້ານໂດຍສະເພາະໃນຂົງເຂດດ້ານພະລັງງານ ເຊັ່ນໂຄງການໄຟຟ້ານໍ້າຕົກ ແລະ ເມື່ອບໍ່ດົນມານີ້ກໍໄດ້ມີການ ລົງນາມບົດບັນທຶກກ່ຽວກັບການຈັດຕັ້ງພັດທະນາໂຄງການໂຮງໄຟຟ້າພະລັງງານລົມ ທີ່ມີມູນຄ່າກວ່າ 2.000 ລ້ານໂດລາ ຢູ່ແຂວງສະຫວັນນະເຂດ.

ແຫຼ່ງຂ່າວ ວຽງຈັນທາຍ

ບົດຄວາມຫຼ້າສຸດ

ພາກກາງ-ໃຕ້ ສືບຕໍ່ຮ້ອນເອົ້າ ພະຍາກອນອາກາດ ປະຈໍາວັນທີ 31 ມີນາ 2025

ພະຍາກອນອາກາດ ປະຈໍາວັນທີ 31 ມີນາ 2025, ເວລາ 12 ໂມງ 00 ພາກກາງ-ພາກໃຕ້ ສືບຕໍ່ອາກາດຮ້ອນເອົ້າ ຄວາມກົດດັນສູງຂອງອາກາດເຢັນ ຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນ ຫາ ປານກາງ,...

ອັບເດດຍອດຜູ້ເສຍຊີວິດ-ບາດເຈັບ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີທີ່ປະເທດມຽນມາ

ອັບເດດສະຖານະການແຜ່ນດິນໄຫວຮຸນແຮງທີ່ປະເທດຫວຽດນາມຫຼ້າສຸດ ຍອດຜູ້ເສຍຊີວິດພຸ່ງຂຶ້ນເປັນ 1,700 ຄົນ. ສຳນັກຂ່າວ thaipbs ລາຍງານໃຫ້ຮູ້ວ່າ: ໃນວັນທີ 31 ມີນາ 2025 ເຈົ້າໜ້າທີ່ກູ້ໄພຍັງສືບຕໍ່ຄົ້ນຫາຜູ້ລອດຊີວິດທີ່ອາດຕິດຢູ່ໃຕ້ຊາກອາຄານພັງຖະຫຼົ່ມ ຫຼັງເກີດແຜ່ນດິນໄຫວຄວາມແຮງ 7.7 ຣິກເຕີ,...

ອັບເດດສະຖານະການຄົ້ນຫາ ຜູ້ປະສົບເຫດອາຄານຖະຫຼົ່ມ ທີ່ປະເທດໄທ ຫຼັງເກີດແຜ່ນດິນໄຫວຮຸນແຮງໃນປະເທດມຽນມາ

ຄວາມຄືບໜ້າສະຖານະການການຄົ້ນຫາ ຜູ້ປະສົບເຫດ ອາຄານຂອງສຳນັກງານກວດເງິນແຜ່ນດິນ ປະເທດໄທ ຖະຫຼົ່ມລົງມາ ຂະນະນີ້ເຈົ້າໜ້າທີ່ຍັງເລັ່ງຄົ້ນຫາອີກ 76 ຄົນ. ສຳນັກຂ່າວຕ່າງປະເທດລາຍງານຈາກເຫດການອາຄາຂອງສຳນັກງານກວດເງິນແຫ່ງຊາດ ໃນພຶ້ນທີ່ເຂດຈະຕຸຈັກ ກຸງເທບມະຫານະຄອນ ປະເທດໄທ ທີ່ກຳລັງທຳການກໍ່ສ້າງມີຄວາມສູງກວ່າ່ 30 ຊັ້ນ...

ຍອດຜູ້ເສຍຊີວິດຈາກເຫດແຜ່ນດິນໄຫວ ໃນມຽນມາ ເພີ່ມຂຶ້ນຢ່າງນ້ອຍ 1,644 ຄົນ

ຈຳນວນຜູ້ເສຍຊີວິດໃນມຽນມາຈາກເດຫແຜ່ນດິນໄຫວຮຸນແຮງເມື່ອວັນສຸກຜ່ານມາ, ມີຈຳນວນ 1,600 ຄົນ ຂະນະທມທີ່ໜ່ວຍກູ້ໄພເລັ່ງຄົ້ນຫາຜູ້ທີ່ຕິດຢູ່ໃຕ້ຊາກອາຄານຫຼາຍແຫ່ງທີ່ຖະຫຼົ່ມລົງມາ. ສຳນັກຂ່າວຕ່າງປະເທດລາຍງານວ່າ: ຜູ້ນຳນຳກອງທັບມຽນມາເປີດເຜີຍເມື່ອວັນທີ 29 ມີນາ 2025 ວ່າ: ຈຳນວນຜູ້ເສຍຊີວິດໃນປະເທດ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີ...