ຂະບວນລົດໄຟ ນະຄອນຫຼວງວຽງຈັນ-ຄຸນໝິງ ແມ່ນໄວຂຶ້ນ 1 ຊົ່ວໂມງ

0
655

Laos – China Railway Company Limited ໄດ້ລາຍງານໃນວັນທີ 23 ກໍລະກົດ 2023 ນີ້ວ່າ: ນັບແຕ່ໄດ້ເປີດຂະບວນລົດໄຟຂ້າມແດນໃນວັນທີ 13 ເມສາ ປີນີ້, ພວກເຮົາໄດ້ຮັດແໜ້ນສາຍພົວພັນກັບກົມພາສີ ແລະ ໜ່ວຍງານ ຕມ, ໄດ້ປັບປຸງຂະບວນການກວດກາຄົນເຂົ້າ-ອອກເມືອງ ໃຫ້ມີຄວາມວ່ອງໄວຂຶ້ນ ເພື່ອ​ຍົກ​ສູງ​ປະສິດທິພາບ​ການ​ຂົ່ນສົ່ງ​​ ແລະ​ ອຳນວຍຄວາມ​ສະດວກ​ໃນ​ການ​ເດີນທາງ​ໃຫ້ແກ່​ຜູ້​ໂດຍສານຂ້າມແດນ.

ເຊິ່ງນັບແຕ່ວັນທີ 25 ກໍລະກົດ ເປັນຕົ້ນໄປ, ຫາກເດີນທາງຈາກສະຖານີນະຄອນຫຼວງວຽງຈັນ ສປປ ລາວ ຫາ ສະຖານີຄຸນໝິງໃຕ້ ສປ ຈີນ ຈາກທີ່ແຕ່ກ່ອນຮອດເວລາ 19:36 ໂມງ ມາເປັນເວລາ 18:34 ໂມງຕາມເວລາທ້ອງຖິ່ນ (ເວລາຈີນ) ແລະ ຫາກເດີນທາງຈາກສະຖານີຄຸນໝິງໃຕ້ ສປ ຈີນ ຫາ ສະຖານີນະຄອນຫຼວງວຽງຈັນ ສປປ ລາວ ຈາກທີ່ແຕ່ກ່ອນເວລາທີ່ຮອດແມ່ນ 17:38 ໂມງ ຈະປ່ຽນມາເປັນເວລາ 16:34 ໂມງ ຕາມເວລາທ້ອງຖິ່ນ (ເວລາລາວ), ໄລຍະເວລາໃນການຂົນສົ່ງຜູ້ໂດຍສານແມ່ນໄວຂຶ້ນ 1 ຊົ່ວໂມງ.