ໃນວັນທີ 17 ກໍລະກົດ ພະແນກສາທາລະນະສຸກແຂວງສາລະວັນ ໄດ້ລາຍງານກ່ຽວກັບບັນຫາຢາຂາດສາງ ໂດຍລະບຸວ່າ: ປັດຈຸບັນຢູ່ຕາມສະຖານທີ່ບໍລິການສຸຂະພາບເຊັ່ນ: ໂຮງໝໍນ້ອຍ, ໂຮງໝໍຊຸມຊົນ ແລະ ໂຮງຫມໍແຂວງໄດ້ມີຢາຂາດສາງ (ໂຮງໝໍແຂວງຂາດ 26 ລາຍການ) ເນື່ອງຈາກຕິດໜີ້ຄ່າຢາບໍລິສັດຈໍານວນຫຼາຍ ມາຮອດປັດຈຸບັນ (ເດືອນທີ 7/2023) ຕິດໜີ້ຄ່າຢາຈໍານວນ 25.238.711.745 ກີບ ເຫັນວ່າເປັນຕົວເລກທີ່ສູງ ທາງບໍລິສັດບໍ່ສາມາດສົ່ງຢາ ໃຫ້ສະຖານບໍລິການປິ່ນປົວສຸຂະພາບ, ສ່ວນລາຍການຢາທີ່ຂາດສາງນັ້ນເຮັດໃຫ້ຄົນເຈັບໄປຊອກຊື້ຢູ່ນອກ.
ພໍມາໃນວັນທີ 20 ກໍລະກົດ ກໍໄດ້ອອກມາແກ້ໄຂບັນຫາດັ່ງກ່າວ ເຊິ່ງກໍຮີບຮ້ອນໃນການສະໜອງຢາປິ່ນປົວພະຍາດໃນບາງຊະນິດທີ່ຂາດເປັນປົກກະຕິແລ້ວ.
